‘काही साधक स्‍वतःच्‍या मनाची नकारात्‍मक स्‍थिती, साधनेत येणार्‍या अडचणी आणि निराशेचे विचार इत्‍यादी मनमोकळेपणाने न बोलता मनातच ठेवतात. त्‍यामुळे त्‍यांच्‍या मनावर ताण येतो, त्‍यांच्‍या मनातील नकारात्‍मक विचार वाढतात आणि त्‍यांना साधनेतील आनंद घेता येत नाही. हे साधक साधना आणि सेवा यांसंदर्भातील उपक्रम, उदा. सत्‍संग, अभ्‍यासवर्ग, शिबिरे इत्‍यादी वेळी निराश असतात अन् त्‍यातील आनंदही अनुभवत नाहीत. सण आणि उत्‍सव साजरे करतांनाही त्‍यांच्‍यामध्‍ये ती निराशा जाणवते. उपक्रम किंवा सण झाल्‍यानंतर त्‍यांना जाणीव होते की, आपण आनंदी रहाण्‍याची संधी गमावली. यामागे काही प्रमाणात अनिष्‍ट शक्‍तींचे त्रासही कारणीभूत असतात.
‘मनमोकळेपणाने न बोलणे’ या स्‍वभावदोषामुळे एका साधकाची साधनेची काही वर्षे वाया गेली. या उदाहरणावरून ‘या स्‍वभावदोषामुळे साधकांच्‍या साधनेची किती मोठ्या प्रमाणावर हानी होते ?’, हे लक्षात येते. यावर उपाय म्‍हणजे साधकांनी त्‍यांच्‍या मनाची नकारात्‍मक स्‍थिती, साधनेत येणार्‍या अडचणी आणि निराशेचे विचार तत्‍परतेने संत किंवा उत्तरदायी साधक यांना मनमोकळेपणे सांगावेत. त्‍यामुळे मनावरचा ताण लवकर न्‍यून होतो. संत किंवा उत्तरदायी साधक यांनी सांगितलेले नामजपादी उपाय सातत्‍याने करावेत. ‘स्‍वतःभोवतालचे अनिष्‍ट शक्‍तीचे आवरण काढणे, प्रार्थना करणे आणि कृतज्ञताभावात रहाणे’, यांमुळे नकारात्‍मक स्‍थितीतून लवकर बाहेर पडता येईल आणि साधनेचा अमूल्‍य वेळ वाया जाणार नाही; परिणामी प्रत्‍येक क्षणी उत्‍साही राहून कोणताही उपक्रम किंवा सण यांमधून आनंद घेता येईल.’
– (सद़्‍गुरु) नंदकुमार जाधव, धर्मप्रचारक, सनातन संस्‍था. (२.८.२०२३)
सद्गुरु आणि संत यांच्या सहवासात साधना करण्याची संधी मिळत असल्याने साधिकेला स्वभावदोषांवर मात करण्यासाठी बळ मिळत असणे
सतत नामानुसंधानात राहून परात्पर गुरु डॉ. आठवले यांचे मन जिंकणार्या सनातनच्या ६४ व्या संत पू. (कै.) शेऊबाई लोखंडेआजी (वय १०० वर्षे) !
‘साधक आणि संत यांचे परात्पर गुरु डॉ. आठवले यांच्यावर विलक्षण प्रेम आहे’, हे दर्शवणारा एक प्रसंग !
तीव्र आध्यात्मिक त्रास होत असतांना त्यातून बाहेर पडण्यासाठी सच्चिदानंद परब्रह्म डॉ. आठवले यांच्यावरील श्रद्धेच्या बळावर प्रयत्न करणारी ६३ टक्के आध्यात्मिक पातळीची कु. कल्याणी गांगण !
घालती गुरुदेव साद ।
कोणतीही कृती करण्यापूर्वी त्या कृतीशी संबंधित देवता आणि कुलदेवता यांना प्रार्थना करावी !