मुंबई – ‘आयुष्मान भारत डिजिटल मिशन’चा भाग म्हणून भारत सरकारने ‘डिजिटल हेल्थ कार्ड’ हा उपक्रम चालू केला आहे. राज्यातील सर्व नागरिकांसाठी हेल्थ कार्ड आवश्यक आहे. त्यामुळे सर्व नागरिकांनी ‘आभा कार्ड’साठी नोंदणी करावी, असे आवाहन सार्वजनिक आरोग्य विभागाने केले आहे. ‘आभा कार्ड’ नावाने डिजिटल स्वरूपातील आरोग्य ओळखपत्र मिळणार असून यावर वैद्यकीय इतिहास, चाचणी तसेच केलेले उपचार इत्यादी माहिती साठवली जाणार आहे. ही सर्व माहिती डिजिटल स्वरूपात या कार्डवर असल्याने नागरिक, आधुनिक वैद्य, तसेच वैद्यकीय कर्मचारी यांना रुग्णाची पार्श्वभूमी, मागील आजार, निदान, उपचार आदींची माहिती जलद आणि सोयीस्करपणे समजण्यास साहाय्य होणार असल्याने वेळेची बचत होईल. ‘डिजिटल हेल्थ मिशन’ अंतर्गत प्रत्येक व्यक्तीसाठी ‘युनिक हेल्थ कार्ड’ बनवले जाणार आहे. ‘आभा कार्ड’साठी आधार क्रमांक आणि त्याच्याशी संलग्न असलेला भ्रमणभाष क्रमांक आवश्यक आहे. ऑनलाईन उपचार, टेलीमेडिसिन, ई-फार्मसी, पर्सनल हेल्थ रेकॉर्ड इत्यादी सुविधा यामध्ये नागरिकांना मिळतील, तसेच व्यक्तीला मेडिकल रिपोर्ट किंवा रेकॉर्ड सहजपणे रुग्णालये, मेडिकल, इन्शुरन्स यांना देता येईल. ‘नॅशनल डिजिटल हेल्थ मिशन’च्या अधिकृत संकेतस्थळावर जाऊन आवश्यक ती माहिती भरून हे कार्ड बनवता येईल.
सनातन प्रभात > Location > आशिया > भारत > महाराष्ट्र > राज्यातील सर्व नागरिकांनी ‘आभा कार्ड’साठी नोंदणी करावी ! – सार्वजनिक आरोग्य विभागाचे आवाहन
राज्यातील सर्व नागरिकांनी ‘आभा कार्ड’साठी नोंदणी करावी ! – सार्वजनिक आरोग्य विभागाचे आवाहन
नूतन लेख
- कोल्हापूर शहरातील अनेक प्रश्न मार्गी लावण्याचे आमचे प्रयत्न ! – श्रीकांत शिंदे, खासदार, शिवसेना
- अहिल्यानगर येथील हरिश्चंद्र गडावरील शिवपिंडीला तडे; पुरातत्व विभागाचे संवर्धनाकडे दुर्लक्ष !
- मुंबईत मद्यालयाच्या येथेच मद्यपी ढोसतात मद्य, ‘येथे मद्य पिण्यास मनाई आहे’ आदेशाचा केवळ सोपस्कार !
- Loksabha Elections 2024 : डॉ. कालिदास वायंगणकर अपक्ष म्हणून दक्षिण गोवा लोकसभा मतदारसंघाची निवडणूक लढवणार !
- 1st May – Maharashtra Din : प्राचीन संस्कृतीचा वारसा सांभाळण्यासह देशाच्या विकासातही महाराष्ट्राचे योगदान ! – किशोर तावडे, जिल्हाधिकारी, सिंधुदुर्ग
- Goa Heat Wave : गोव्यात पुढील ८ दिवस तापमान सरासरीपेक्षा १ ते २ अंशाने वाढणार ! – हवामान खाते