पुणे – येथे इम्रान खान आणि महंमद युनीस साकी या २ आतंकवाद्यांना अटक करण्‍यात आली होती. या २ आतंकवाद्यांकडून ‘ड्रोन कॅमेरे’, तसेच ४ किलो ‘केमिकल’ पावडर जप्‍त करण्‍यात आली आहे. विध्‍वंसक कारवायांसाठी ही पावडर वापरली जाते, अशी माहिती पोलिसांच्‍या अन्‍वेषणात समोर आली आहे. दोघा आरोपींना २५ जुलैपर्यंत पोलीस कोठडी सुनावण्‍यात आली आहे. या दोघांना पकडल्‍यानंतर राष्‍ट्रीय अन्‍वेषण यंत्रणा (एन्.आय.ए.), देहली आणि जयपूर येथील अन्‍वेषण पथके, तसेच महाराष्‍ट्र आतंकवादविरोधी पथक पुण्‍यात पोचले आहे. त्‍यांनीही या गुन्‍ह्याचे समांतर अन्‍वेषण चालू केले आहे.
१. खान आणि साकी यांच्‍याकडून बनावट आधारकार्ड, काडतुसे आणि ‘इलेक्‍ट्रॉनिक’ साहित्‍य जप्‍त करण्‍यात आले आहे.
२. काही वर्षांपूर्वी पुण्‍यात चोरीच्‍या गाड्यांचा स्‍फोट करण्‍यात आला होता. ‘या आतंकवाद्यांनाही दुचाकीचा स्‍फोट करायचा होता’, असा पोलिसांना संशय आहे. त्‍यामुळे या दोघांची पोलिसांकडून कसून चौकशी करण्‍यात येत आहे.
३. ‘ड्रोन कॅमेर्‍यां’द्वारे शहरातील संवेदनशील ठिकाणांचे चित्रीकरण केल्‍याचेही समोर आले आहे. ‘या चित्रीकरणात नेमके काय आहे ?’, ‘पुण्‍यातील कोणत्‍या परिसरातील चित्रीकरण केले आहे ?’, ‘यात पुण्‍याच्‍या बाहेरचे चित्रीकरण केले आहे का ?’, आदींचे अन्‍वेषण पोलीस करत आहेत.
बोगस वारस दाखल्यांचे वाटप करणार्या न्यायालयातील लिपिकाला अटक !
कसाईमुक्त जनावरांच्या बाजारासाठी मिलिंद एकबोटे यांची आमरण उपोषणाची चेतावणी !
मुख्यमंत्र्यांच्या विरोधात पोस्ट करणार्यांवर गुन्हा नोंद !
बदलापूर येथे दारू पाजून तरुणीवर अत्याचार करणार्या मित्राला अटक !
‘सनबर्न’ महोत्सवात ध्वनीप्रदूषणाचे नियम मोडल्यास कारवाई करण्याचे दायित्व पोलिसांचे ! – गोवा राज्य प्रदूषण नियंत्रण मंडळ
गोव्यात ‘सन, सी अँड सँड’ ऐवजी आध्यात्मिक आणि मंदिर संस्कृती यांना प्रोत्साहन दिले ! – मुख्यमंत्री डॉ. प्रमोद सावंत