समृद्धी महामार्गासह अन्‍य ३ मार्गांवर राबवली मोहीम !
बुलढाणा – समृद्धी महामार्गावर २५ प्रवाशांचे बळी घेणार्‍या ट्रॅव्‍हल्‍सच्‍या अपघातानंतर ९ जुलैच्‍या रात्री त्‍या महामार्गासह अन्‍य ३ मार्गांवर वाहनांची विशेष पडताळणी मोहीम राबवण्‍यात आली. या संयुक्‍त कारवाईत २६ वाहनांविरुद्ध कारवाई करण्‍यात आली असून एक ट्रॅव्‍हल्‍स स्‍थानबद्ध (डिटेन) करण्‍यात आली.
समृद्धी महामार्गाच्‍या मेहकर इंटरचेंज, राज्‍यमार्गावरील मेहकर फाटा (चिखली) आणि मलकापूर जवळच्‍या राष्‍ट्रीय महामार्ग क्रमांक ६ वर पोलीस अधीक्षक सुनील कडासने यांच्‍या मार्गदर्शनाखाली ही कारवाई करण्‍यात आली. यामध्‍ये प्रादेशिक परिवहन विभाग, जिल्‍हा वाहतूक शाखेचे आनंद महाजन, पोलीस निरीक्षक जितेंद्र आडोळे, संबंधित पोलीस ठाणे, राज्‍य उत्‍पादन शुल्‍क विभागाचे अधिकारी आणि कर्मचारी सहभागी झाले होते.
मध्‍यरात्रीपर्यंत चाललेल्‍या मोहिमेत ट्रॅव्‍हल्‍स आणि अन्‍य मिळून ८५ वाहनांची पडताळणी करण्‍यात आली. ३७ पैकी ४ ट्रॅव्‍हल्‍स आणि अन्‍य ६ वाहनांविरुद्ध मोटार वाहन कायद्यानुसार कारवाई करण्‍यात आली. मेहकर फाटा येथे ३७ पैकी ६ ट्रॅव्‍हल्‍स आणि ४ इतर वाहनांवर कारवाई करण्‍यात आली. राष्‍ट्रीय महामार्ग ६ वर २१ वाहनांची पडताळणी करण्‍यात आली. त्‍यामध्‍ये ५ ट्रॅव्‍हल्‍सवर मोटार वाहन कायद्यानुसार कारवाई करण्‍यात आली.
संपादकीय भूमिका :प्रशासनाला उशिरा सुचलेले शहाणपण ! |
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
मुंबईत पोलीस निरीक्षकावर आक्रमणकर्त्याच्या विरोधात गुन्हा नोंद !
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !