मुंबई – बालकांमध्‍ये शिक्षणासमवेत आवश्‍यक कौशल्‍ये विकसित होण्‍यासाठी कौशल्‍य विकास विभाग आणि महिला अन् बालविकास विभाग प्रयत्नशील आहे. मुंबईमधील डोंगरी येथील निरीक्षणगृह आणि मानखुर्द येथील बालगृह येथे नव्‍याने चालू केलेल्‍या कौशल्‍यविकास केंद्राच्‍या धर्तीवर राज्‍यातील बालसुधारगृहांमध्‍ये कौशल्‍यपूर्ण शिक्षणाचे केंद्र चालू करणार आहोत, अशी माहिती, कौशल्‍य, रोजगार अन् उद्योजकता, महिला आणि बाल विकासमंत्री मंगलप्रभात लोढा यांनी दिली. डोंगरी येथील चिल्‍ड्रन एड सोसायटीमध्‍ये १ फेब्रुवारी या दिवशी कौशल्‍यविकास केंद्राच्‍या उद़्‍घाटनप्रसंगी ते बोलत होते.
हे स्किल सेंटर त्यापैकी एक आहे. या उद्घाटनाच्या वेळी इस्कॉन संस्थेचे स्वामी प्रचिता प्रभुदास उपस्थित होते. या उपक्रमांद्वारे येथील मुलांच्या आयुष्यात बदल घडेल अशी आशा आहे. (2/2)
— Mangal Prabhat Lodha (@MPLodha) February 2, 2023
या वेळी ते म्‍हणाले, चिल्‍ड्रन एड सोसायटीच्‍या मानखुर्द येथील बालगृहामध्‍ये फॅशन डिझायनिंग, फ्रेम डिझायनिंग, संगणक याचे कौशल्‍यपूर्ण शिक्षण विद्यार्थ्‍यांना दिले जाणार आहे. डोंगरी येथील निरीक्षणगृहात टाटा मोटर्सच्‍या माध्‍यमातून ३ मासांचे प्रशिक्षणवर्ग चालू करण्‍यात आले आहेत. यामध्‍ये भ्रमणभाष दुरुस्‍ती, दुचाकी आणि इलेक्‍ट्रिक यांचे प्रशिक्षण दिले जाणार आहे. बालगृहातील मुलांना शिक्षणासमवेत कौशल्‍यविकासाचे शिक्षण देण्‍यासाठी महिला बालविकास विभाग प्रयत्नशील आहे.
या वेळी निरीक्षणगृहातील मुलांसाठी चालू असलेल्‍या संगणक प्रशिक्षण, सुतार प्रशिक्षण, शिवणकला, कलाकुसरीच्‍या वस्‍तू यांच्‍या प्रशिक्षणवर्गासही मंत्री लोढा यांनी भेट दिली
संपादकीय भूमिकाकौशल्यविकास केंद्रासमवेत धर्मशिक्षण वर्गही चालू करावेत ! |
रायगड आणि छत्रपती संभाजीनगर जिल्ह्यांसाठी शिवसेना आग्रही !
चुकीच्या समजुतीमुळे धर्माच्या नावाखाली अत्याचार झाले ! – सरसंघचालक प.पू. डॉ. मोहन भागवत
देवेंद्र फडणवीस यांच्याकडे गृह खाते कायम, एकनाथ शिंदे यांच्याकडे नगरविकास, गृहनिर्माण खाते !
हिंदु जनजागृती समितीच्या वतीने ‘हिंदु सेवा महोत्सवा’त स्वसंरक्षण प्रशिक्षण प्रात्यक्षिके सादर !
आध्यात्मिक उन्नती करण्‍यात यशस्वी उद्योगाचे गमक ! – रविंद्र प्रभुदेसाई, व्यवस्थापकीय संचालक, पितांबरी उद्योग समूह
‘एक राज्य, एक गणवेश’ योजनेत पालट !