देवा, अखंड गुरुनाम मुखी रहावे ।

‘आपले जीवन सर्वस्वी गुरुचरणी समर्पित करायचे आहे’, हा विचार कु. वैदेही शिंदे यांच्या मनात येताच त्यांना स्फुरलेले काव्य पुढे दिले आहे.

देवा, ध्यास लागो या जिवा तुला पहाण्याचा ।
अन् चराचरात तुला अनुभवण्याचा ।। १ ।।

ध्येयाने प्रेरित होऊन मन भावभक्तीने लीन व्हावे ।
सेवा अन् साधनेच्या विचारांनी मन व्यापून जावे ।। २ ।।

मला साधनेच्या ध्येयाने प्रेरित होता येऊ दे ।
तुला अपेक्षित सर्व घडावे अन् मला ते स्वीकारता यावे ।। ३ ।।

सेवेत तन-मन झिजून जावे ।
ध्येयप्राप्तीच्या ध्यासाने मन व्याकुळ व्हावे ।। ४ ।।

देवा, अखंड गुरुनाम मुखी रहावे ।
हीच प्रार्थना करते तव चरणी ।। ५ ।।

– कु. वैदेही राजेंद्र शिंदे, फोंडा, गोवा. (३०.१०.२०२२)

या कवितेत प्रसिद्ध करण्यात आलेल्या अनुभूती या भाव तेथे देव या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक