मनसेची सार्वजनिक बांधकाम अधिकार्‍याला चेतावणी
धाराशिव – शहरातील सर्व प्रमुख रस्त्यांवर मोठमोठे खड्डे पडले आहेत. या खड्ड्यांमुळे प्रतिदिन अपघात होत आहेत. रस्त्यांवरील खड्डे तातडीने बुजवावेत, अन्यथा सार्वजनिक बांधकाम विभागाच्या अधिकार्‍यांच्या तोंडाला काळे फासू, अशी चेतावणी महाराष्ट्र नवनिर्माण सेनेचे जिल्हा सचिव दादा कांबळे यांनी दिली आहे. शहरातील सांजा रस्ता, छत्रपती शिवाजी महाराज चौक ते बार्शी नाका, बार्शी नाका ते हतलाई रस्ता, दर्गा रस्ता ते वैराग नाका यांसह अन्य ठिकाणी मोठमोठे खड्डे पडले आहेत.
दादा कांबळे यांनी म्हटले आहे की, महामार्गावरील खड्डे बुजवणे आणि दुरुस्ती यांसाठी ‘ई टेंडर’ काढले असूनही ठेकेदार रस्त्याची डागडुजी, खड्डे बुजवणे, रस्ता दुरुस्त करणे ही कामे करत नाहीत. अशा ठेकेदारांना काळ्या सूचीत टाकण्यात यावे, तसेच त्यांच्यावर कडक कारवाई करण्यात यावी. ८ दिवसांच्या आत हे खड्डे न बुजवल्यास तीव्र आंदोलन करण्यात येईल.
विकसित महाराष्ट्राचा संकल्प पूर्ण करण्यासाठी जनता महायुतीला निवडून देणार ! – प्रभाकर सावंत, जिल्हाध्यक्ष, भाजप
मुंबईत पोलीस निरीक्षकावर आक्रमणकर्त्याच्या विरोधात गुन्हा नोंद !
पुणे महापालिकेच्या आवारात शिरस्त्राणसक्ती करण्याचा आदेश !
मंदिरांवरील विविध आघातांच्या विरोधात संघटित झालो, तरच हिंदु संस्कृती टिकेल !
१५ मिनिटांचे एकच उत्तर – १०० टक्के मतदान !
जोपर्यंत देशात अखंड एकता आहे, तोपर्यंत भारताला कुणीही तोडू शकत नाही ! – माधवी लता, भाजप नेत्या