काम करतांना हृदयविकाराचा झटका येऊन मृत्यू झाल्यास तो अपघात आहे !

• कामगार न्यायालयाचा महत्त्वपूर्ण निकाल

• ट्रक मालक आणि विमा आस्थापन यांना हानीभरपाई देण्याचा आदेश !

काय आहे प्रकरण ?

कामाच्या वेळेत हृदयविकाराच्या धक्क्याने मृत्यू पावलेले साहेबराव सरोदे यांची पत्नी कमलाबाई, मुलगा सचिन आणि मुलगी अश्विनी यांनी ट्रकमालक सुरेश राजपूत आणि ‘युनायटेड इंडिया इन्शुरन्स आस्थापना’च्या विरुद्ध अधिवक्ता संदीप राजेभोसले यांच्या वतीने सादर केलेल्या अर्जाच्या सुनावणीअंती कामगार न्यायालयाने हा आदेश दिला. साहेबराव हे राजपूत यांच्या ट्रकवर चालक होते. त्यांना सलग १५ घंटे ट्रक चालवावा लागत होता. या ताणामुळे त्यांना हृदयविकाराचा तीव्र झटका येऊन त्यांचा मृत्यू झाला आहे, असा त्यांच्या वारसांचा दावा होता. न्यायालयाने याचिकाकर्त्यांच्या वारसांकडून करण्यात आलेला युक्तीवाद ग्राह्य धरत वारसांना हानीभरपाई देण्याचे आदेश दिले.