आध्यात्मिक त्रासांच्या निवारणासाठी उपयुक्त नामजपांच्या ध्वनीमुद्रणाचे (ऑडिओचे) शास्त्रीय गायक पू. किरण फाटक यांच्या शुभहस्ते लोकार्पण केलेल्या कार्यक्रमाचे सूक्ष्मातील परीक्षण !

आध्यात्मिक त्रासांच्या निवारणासाठी उपयुक्त असलेल्या ‘शून्य’, ‘महाशून्य’ आणि ‘निर्गुण’ या नामजपांच्या ध्वनीमुद्रणाचे (ऑडिओचे) लोकार्पण डोंबिवली (जिल्हा ठाणे) येथील शास्त्रीय संगीताचे गायक पू. किरण फाटक यांच्या शुभहस्ते १५ एप्रिल २०२२ या दिवशी येथे आयोजित केलेल्या एका कार्यक्रमात करण्यात आले. कार्यक्रमाच्या आरंभी नामजपांविषयी थोडक्यात माहिती सांगण्यात आली. देवाच्या कृपेने तेव्हा माझ्याकडून झालेले सूक्ष्मातील परीक्षण येथे देत आहे.

१. पू. फाटककाकांच्या ठिकाणी श्री स्वामी समर्थ यांचे दर्शन होणे

कार्यक्रमाच्या आरंभी वातावरणात थोड्या प्रमाणात दाब जाणवत होता. जेव्हा पू. फाटककाकांनी नामजपांच्या ध्वनीमुद्रणाचे लोकार्पण केले, तेव्हा मला त्यांच्या ठिकाणी श्री स्वामी समर्थांचे अस्तित्व जाणवले. त्यांच्या देहातील चैतन्य त्यांच्या हातातून ‘आयपॅड’ (भ्रमणभाषसारखा एक प्रकार) मध्ये संक्रमित झाले.

२. पू. फाटककाकांनी नामजप चालू होण्याची कळ दाबल्यावर ‘आयपॅड’मध्ये संक्रमित झालेले चैतन्य नामजपातील नादशक्तीच्या माध्यमातून वातावरणात पसरणे

पू. फाटककाकांनी नामजप चालू होण्याची कळ दाबल्यावर नामजपातील नादशक्तीमुळे संपूर्ण वातावरण चैतन्यदायी आणि आनंदमय झाले.

३. शून्य, महाशून्य आणि निर्गुण या नामजपांची आध्यात्मिक वैशिष्ट्ये

४. शून्य, महाशून्य आणि निर्गुण हे नामजप लोकार्पण केल्यावर सूक्ष्म स्तरावर जाणवलेली सूत्रे

४ अ. नामजपातून प्रक्षेपित होणाऱ्या विविध घटकांचे प्रमाण

४ आ. नामजपातून प्रक्षेपित होणाऱ्या विविध पंचमहाभूतांचे प्रमाण

४ इ. नामजप ऐकल्यामुळे विविध देहांना होणारा लाभ

कृतज्ञता

‘श्रीगुरूंच्या कृपेमुळे शून्य, महाशून्य आणि निर्गुण हे नामजप ऐकल्यामुळे होणाऱ्या लाभांचे ज्ञान मिळाले’, यासाठी मी श्रीगुरुचरणी कृतज्ञ आहे.

– कु. मधुरा भोसले भोसले (आध्यात्मिक पातळी ६३ टक्के)(सूक्ष्मातून मिळालेले ज्ञान), सनातन आश्रम, रामनाथी, गोवा. (१७.४.२०२२)

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे सूक्ष्म. साधनेत प्रगती केलेल्या काही व्यक्तींना या सूक्ष्म संवेदना जाणवतात. या सूक्ष्माच्या ज्ञानाविषयी विविध धर्मग्रंथांत उल्लेख आहेत.
आध्यात्मिक त्रास : याचा अर्थ व्यक्तीमध्ये नकारात्मक स्पंदने असणे. व्यक्तीमध्ये नकारात्मक स्पंदने ५० टक्के किंवा त्यांहून अधिक प्रमाणात असणे, म्हणजे तीव्र त्रास, नकारात्मक स्पंदने ३० ते ४९ टक्के असणे, म्हणजे मध्यम त्रास, तर ३० टक्क्यांहून अल्प असणे, म्हणजे मंद आध्यात्मिक त्रास असणे होय. आध्यात्मिक त्रास हा प्रारब्ध, पूर्वजांचे त्रास आदी आध्यात्मिक स्तरावरील कारणांमुळे होतो. आध्यात्मिक त्रासाचे निदान संत किंवा सूक्ष्म स्पंदने जाणू शकणारे साधक करू शकतात.
सूक्ष्म परीक्षण : एखाद्या घटनेविषयी किंवा प्रक्रियेविषयी चित्ताला (अंतर्मनाला) जे जाणवते, त्याला ‘सूक्ष्म परीक्षण’ म्हणतात.
या लेखात प्रसिद्ध करण्यात आलेल्या अनुभूती या भाव तेथे देव या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक