मडगाव, १९ सप्टेंबर (वार्ता.) – दक्षिण-पश्चिम रेल्वेच्या सावर्डे ते चांदर रेल्वेमार्गाच्या दुपदरीकरणाची चाचणी २३ सप्टेंबर या दिवशी होणार आहे. ही चाचणी घेतांना रेल्वेची मोटर ट्रॉली प्रतिघंटा १२० कि.मी. वेगाने धावणार आहे. ही चाचणी रेल्वे सुरक्षा आयुक्त्यांच्या वतीने घेण्यात येणार आहे. या रेल्वेमार्गाची लांबी १५. ६४ किलोमीटर एवढी आहे.
सध्या दक्षिण-पश्चिम रेल्वेच्या वतीने तिनईघाट ते वास्को रेल्वेस्थानकापर्यंत दुपदरीकरणाचे काम हाती घेण्यात आले आहे. स्थानिकांचा रेल्वेमार्ग दुपदरीकरणाला विरोध असला, तरी रेल्वे प्रशासनाच्या वतीने हे काम चालू ठेवण्यात आले आहे. सावर्डे ते चांदरपर्यंत मार्गाचे दुपदरीकरणाचे काम पूर्ण झाले आहे.
२३ सप्टेंबर या दिवशी सकाळी १०.१५ वाजता सावर्डे येथून मोटर ट्रॉलीद्वारे चाचणीचे काम चालू केले जाणार आहे. सायंकाळी ५.१० वाजता मडगाव येथे तपासणीचे काम पूर्ण होणार आहे. त्यानंतर सायंकाळी ६ वाजता सावर्डे ते कुडचडे मार्गाची चाचणी घेतली जाणार आहे. चाचणी मार्गावरून प्रतिघंटा १२० कि.मी. वेगाने मोटर ट्रॉली धावणार असल्याने या वेळी कुणीही रेल्वे रूळ ओलांडण्याचा प्रयत्न करू नये आणि या वेळी रेल्वे रूळ ओलांडणे धोकादायक ठरू शकते, असे दक्षिण-पश्चिम रेल्वे मंडळाने कळवले आहे.
(म्हणे) ‘परिषदेमधील भाषणांद्वारे धार्मिक तणाव निर्माण होण्याची शक्यता !’
हिंदु बांधवांचे संघटन व्हावे, या हेतूने आयोजित हिंदु राष्ट्र-जागृती बैठक सोरतापवाडी (पुणे) येथे पार पडली !
राज्य सरकारची आर्थिक स्थिती डबघाईला ! – अंबादास दानवे, विरोधी पक्षनेते
‘हिंदु सेवा महोत्सवा’च्या समारंभामध्ये विविध मान्यवरांनी दिलेल्या भेटी !
सातारा जिल्ह्यातील कॅबिनेट मंत्र्यांच्या हातून जनकल्याणाचे कार्य व्हावे ! – छत्रपती उदयनराजे भोसले, खासदार, भाजप
Nitesh Rane On Rohingya : समुद्रकिनारी रोहिंग्या आणि बांगलादेशी मुसलमानांचे वास्तव्य सहन करणार नाही ! – नितेश राणे, मत्स्य आणि बंदरे मंत्री