सांगली, ११ ऑगस्ट (वार्ता.) – प्लास्टिकचे राष्ट्रध्वज विक्री करण्यास बंदी असूनही बाजारात असे ध्वज विकणार्‍यांवर कारवाई केली जात नाही, हे गंभीर आहे. या संदर्भात जिल्हाधिकार्‍यांशी बोलून प्लास्टिकचे ध्वज विक्री करणार्‍यांचे ध्वज जप्त करण्यासाठी कारवाई करण्याच्या सूचना देऊ, असे आश्वासन भाजपचे आमदार श्री. सुधीर गाडगीळ यांनी दिले. हिंदु जनजागृती समितीच्या श्रीमती मधुरा तोफखाने आणि सौ. सुलभा तांबडे यांनी १० ऑगस्ट या दिवशी आमदार श्री. गाडगीळ यांना राष्ट्रध्वजाचा अवमान रोखण्याच्या संदर्भात निवेदन दिले. याच मागणीचे निवेदन भाजपच्या नगरसेविका सौ. उर्मिला बेलवकर यांनाही देण्यात आले.
महिलांचे ‘राष्ट्रध्वजाचा मान राखा’ याविषयी प्रबोधन !
भाजपच्या नगरसेविका सौ. उर्मिला बेलवकर यांनी पक्षाच्या वतीने महिलांचे प्रबोधन करण्यासाठी मेळावा आयोजित केला होता. या मेळाव्यात श्रीमती मधुरा तोफखाने यांनी महिलांचे ‘राष्ट्रध्वज’ विषयाच्या संदर्भात प्रबोधन केले. मार्गदर्शन ऐकल्यावर एका महिलेने सांगितले, ‘‘आम्ही राष्ट्रप्रेम वाढण्यासाठी राष्ट्रध्वज लहान मुलांच्या हातात देत होतो; मात्र यातून नेमकी अयोग्य कृती कशी होते, ते आमच्या आज लक्षात आले. यापुढे राष्ट्रध्वजाचा अवमान होऊ नये, याची आम्ही काळजी घेऊ.’’
केंद्रीय प्रदूषण मंडळाच्या अहवालानुसार सांगलीची हवा सर्वांत चांगली !
भाजपच्या आमदार फोडाफोडीमुळे आमदारांना स्थलांतरित करण्याची सिद्धता चालू ! – नाना पटोले, प्रदेशाध्यक्ष, काँग्रेस
नेरूळच्या अनधिकृत मशिदीसह सर्व गडदुर्गांवरील अनधिकृत बांधकामे पाडा ! – सतीश कोचरेकर, हिंदु जनजागृती समिती पनवेल येथे पत्रकार परिषद
महाराष्ट्रात २८८ पैकी केवळ ६ मतदारसंघांत ८० टक्क्यांहून अधिक मतदान !
महाराष्ट्रात ६ कोटी ४० लाख ८८ सहस्र जणांनी केले मतदान !
दैनिक ‘सनातन प्रभात’ ने लगेच वस्तुस्थिती समाज समोर आणली ! – रावसाहेब देसाई, राष्ट्राध्यक्ष, श्री शिवप्रतिष्ठान हिंदुस्थान