सद्गुरु जाधवकाका आहेत गुरुदेवांची छबी ।

ज्येष्ठ शुक्ल पक्ष अष्टमी (१८.६.२०२१) या दिवशी सद्गुरु नंदकुमार जाधवकाका यांचा वाढदिवस झाला. त्यानिमित्त साधिकेने त्यांच्या चरणी वाहिलेली भावपुष्पांजली पुढे दिली आहे.

सद्गुरु काका (टीप) आहेत
प्रीतीचा झरा ।
प्रत्येकास वाटे, ते आहेत आपले पिता ।
बोलल्यावर त्यांच्याशी सगळे होते विसरायला ।
गुरुचरणांविना दुसरे काही नकोच आता आपल्याला ।। १ ।।

साधकांची प्रगती व्हावी, असे त्यांच्या मनी ध्यास ।
कृतीतून त्यांच्या तो दिसून येई आपणास ।
सद्गुरु काका आहेत गुरुदेवांची छबी ।
अखंड साधना त्यांच्यातील प्रीतीरूप वाढवी ।। २ ।।

चैतन्यमय आहे त्यांची वाणी ।
आठवण आली त्यांची की, शब्द ऐकू येती कानी ।
गुरुरूप सामावले आहे त्यांच्या रूपात ।
मन भरून येते कृतज्ञताभावात ।। ३ ।।

टीप – सद्गुरु नंदकुमार जाधव

– सौ. कल्पना देशपांडे, संभाजीनगर (१८.६.२०२१)

या कवितेत प्रसिद्ध करण्यात आलेल्या अनुभूती या भाव तेथे देव या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक