वर्ष २०१९ च्या गुरुपौर्णिमेच्या वेळी साधिकांना देवता आणि ऋषी यांचे सूक्ष्मातील अस्तित्व अनुभवयास मिळणे

सौ. मंजुषा पवार, अकलूज

१. ‘गुरुपूजन चालू असतांना ‘तेथे सर्व देवता आणि ऋषी उपस्थित आहेत. हे गुरुपूजन वैकुंठात होत आहे, तसेच शंखनाद ऐकू येत आहे’, असे मला जाणवले.

२. मला गुरुमाऊलींचे कोमल चरण सतत दिसत होते. त्यामुळे अंतर्मुखता वाढून माझा कृतज्ञताभाव दाटून येत होता.

३. कु. दीपालीताई (कु. दीपाली मतकर) भावप्रयोग घेत होती. तेव्हा तिच्या प्रत्येक शब्दातून पुष्कळ चैतन्य जाणवत होते. त्या वेळी माझ्या अंगावर शहारे येत होते.’

सौ. भांगे, बारामती

१. ‘पूजेला आरंभ झाल्यापासून मला पुष्कळ चैतन्य आणि आनंद मिळत होता. त्या वेळी मला देवतांचे अस्तित्व अनुभवता येत होते.

२. सद्गुरु स्वातीताईंच्या (सद्गुरु (कु.) स्वाती खाडये यांच्या) मार्गदर्शनानंतर माझा केवळ ‘कृतज्ञता’, असाच नामजप होत होता. त्या वेळी माझे मन आतून शांत झाले आणि एका लयीत नामजप होऊ लागला.’