कोटीश: कृतज्ञता व्यक्त करूया पू. दाभोलकरकाकांच्या चरणी ।

पू. गुरुनाथ दाभोलकर
पू. शिवाजी वटकर

पू. दाभोलकरकाका देवदच्या संतमाळेतील संतरत्न शोभती ।
अंतर्मुख राहूनी ते मौनातूनी आम्हाला शुभाशीर्वाद देती ॥ १ ॥

पू. दाभोलकरकाका साधकांना स्वभावदोषांसह स्वीकारती ।
नमस्कार करूनी साधक त्यांच्या चरणी कृतज्ञतापुष्प वाहती ॥ २ ॥

पू. दाभोलकरकाका साधकांचा आध्यात्मिक त्रास दूर होण्या नामजपादी उपाय करती ।
कर्तेपणा विसरूनी चैतन्याच्या स्तरावर वाईट शक्तींशी सूक्ष्मातून लढती ॥ ३ ॥

पू. दाभोलकरकाका नम्रता, शिस्त नि प्रीती यांची सांगड घालिती ।
हिंदु राष्ट्र निर्मितीच्या गुरुकार्यात समष्टी जप नि सेवा करिती ॥ ४ ॥

पू. दाभोलकरकाका गुरुश्रद्धेच्या बळावर सद्गुरुपदाकडे झेप घेती ।
कोटीश: कृतज्ञता व्यक्त करूया पू. दाभोलकरकाकांच्या चरणी ॥ ५ ॥

– (पू.) श्री. शिवाजी वटकर, सनातन आश्रम, देवद, पनवेल. (१५.२.२०२१)

• वाईट शक्ती : वातावरणात चांगल्या आणि वाईट शक्ती कार्यरत असतात. चांगल्या शक्ती चांगल्या कार्यासाठी मानवाला साहाय्य करतात, तर वाईट शक्ती त्याला त्रास देतात. पूर्वीच्या काळी ऋषिमुनींच्या यज्ञांत राक्षसांनी विघ्ने आणल्याच्या अनेक कथा वेद-पुराणांत आहेत. ‘अथर्ववेदात अनेक ठिकाणी वाईट शक्ती, उदा. असुर, राक्षस, पिशाच तसेच करणी, भानामती यांचा प्रतिबंध करण्यासाठी मंत्र दिले आहेत. वाईट शक्तींच्या त्रासांच्या निवारणार्थ विविध  आध्यात्मिक उपाय वेदादी धर्मग्रंथांत सांगितले आहेत.
• आध्यात्मिक त्रास : याचा अर्थ व्यक्तीमध्ये नकारात्मक स्पंदने असणे. व्यक्तीमध्ये नकारात्मक स्पंदने ५० टक्के किंवा त्यांहून अधिक प्रमाणात असणे, म्हणजे तीव्र त्रास, नकारात्मक स्पंदने ३० ते ४९ टक्के असणे, म्हणजे मध्यम त्रास, तर ३० टक्क्यांहून अल्प असणे, म्हणजे मंद आध्यात्मिक त्रास असणे होय. आध्यात्मिक त्रास हा प्रारब्ध, पूर्वजांचे त्रास आदी आध्यात्मिक स्तरावरील कारणांमुळे होतो. आध्यात्मिक त्रासाचे निदान संत किंवा सूक्ष्म स्पंदने जाणू शकणारे साधक करू शकतात.
येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या आणि संतांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक