सद्गुरु नंदकुमार जाधवकाका यांच्या चरणी साधकांनी कृतज्ञतापूर्वक अर्पण केलेली काव्यसुमने !

नमन माझे आपल्या ‘श्री’ चरणी सद्गुरु जाधवकाका ।

‘सनातनच्या दिव्य देवभूमीचा आहात आपण तेजस्वी तारा ।
केलेत सर्वस्वही अर्पण या धर्मकार्याला ।
नमन आमचे आपल्या ‘श्री’ चरणी सद्गुरु जाधवकाका ॥ १ ॥

धर्मप्रसाराचे शिवधनुष्य धारण करूनी ।
पुढे घेऊन जाता गुरुमाऊलींच्या ज्ञानाचा वसा ।
देवालाही कौतुक वाटे असा प्रेमळ सत्संग आपला ॥ २ ॥

भाग्य लाभले सर्वांना, आहे ही गुरुदेवांचीच कृपा ।
मिळते आपले अखंड मार्गदर्शन नित्य आम्हा ।
आपण घडवल्या साधकांच्या अनेक पिढ्या ॥ ३ ॥

व्यक्तीमत्त्वात आपल्या भासे सूर्याचे तेज ।
परी वाणीमध्ये आपल्या चंद्राची असे शीतलता ।
शब्दसुमने ऐकून आपली, होतो भाव जागृत आमचा ॥ ४ ॥

सद्गुणांची आहात खाण तुम्ही ।
गुरुदेवांचे प्रतिबिंबच भासता ।
प्रेमळ मार्गदर्शनाने साधकांना कृतीतून तुम्ही घडवता ॥ ५ ॥

आपण साक्षात् आहात वात्सल्यमूर्ती ।
सहवासात आपल्या लाभे आनंद आणि शांती ।
गुरुतत्त्वाची साक्ष मिळे तुमच्यामध्ये साधकांना ॥ ६ ॥

साधकांचे आध्यात्मिक कष्टही नष्ट करता ।
आपल्या आशीर्वादाने साध्य होई सर्वांची साधना ॥ ७ ॥

आपल्या संतत्वाची अगम्यता ।
सुटतात साधकांच्या साधनेतील सर्व समस्या ।
आपल्या अंतःकरणी वाहे प्रीती आणि निरपेक्षतेचा झरा ॥ ८ ॥

प्रेमळ शब्दांत तुम्ही चुकांची जाणीव करून देता ।
साधकांना आधार वाटे भक्कम आपला ।
प्रसंगी गंमत-जंमत करूनी वातावरणाचा तुम्ही समतोलही राखता ॥ ९ ॥

गाता जेव्हा तुम्ही गुरूंची महती ।
सर्वत्र भावभक्तीच्या छटा उमटून येती ।
सर्वांना जणू भावसागरात बुडवता तुम्ही ॥ १० ॥

लाभले तुमच्यासारखे सद्गुरु आम्हाला ।
व्हावी अखंड साधना, हीच वारंवार प्रार्थना ।
नमन आमचे आपल्या ‘श्री’ चरणी सद्गुरु जाधवकाका ॥ ११ ॥

परात्पर गुरुमाऊलींच्या कृपेने वरील काव्य सुचले. गुरुमाऊली आणि सद्गुरु जाधवकाका यांच्या चरणी कोटीशः कृतज्ञता !’

– अधिवक्ता चारुदत्त जोशी आणि सौ. अनिता जोशी, संभाजीनगर (३०.५.२०२०)

सद्गुरु नंदकुमार जाधवकाका असती आमची प्रेमळ सद्गुरु माऊली ।

सर्व साधकांची प्रेमळ अन् मायेची सावली ।
तीच आहे आमची सद्गुरु माऊली ॥ १ ॥

साधकांसाठी जणू प्रीतीचा खळाळता झरा ।
तोच आहे गुरुमाऊलीच्या सद्गुरूंमधील हिरा ॥ २ ॥

निरपेक्षता आहे ज्यांचा अनमोल गुण ।
ते पाहूनी गुरुमाऊलीने दिले संतरत्न आपणहून ॥ ३ ॥

ज्यांची प्रत्येक सेवा आहे भावपूर्ण अन् परिपूर्ण ।
म्हणूनच ‘नंदकुमार’ आहे त्यांचे नाव अर्थपूर्ण ॥ ४ ॥

ज्यांचे हास्य मधुर अन् मनमोहक रूप ।
ते पाहून मनात उमटत रहाते गुरुमाऊलीचे प्रतीरूप ॥ ५ ॥

ज्यांची वाणी आहे सुरेल आणि गातात अवीट गोडगीत ।
म्हणूनच ते गाऊ शकतात गुरुमाऊलीसाठी भावगीत ॥ ६ ॥

ज्यांना आहे तळमळ साधकांच्या व्यष्टी आणि समष्टी साधनेची ।
जणू प्रत्येक जिवाला बनवायचे आहे मोरपीस श्रीकृष्णाच्या मुकुटातील ॥ ७ ॥

अखंड प्रीती असे ज्यांच्या हृदयात ।
तसेच उमटती प्रतिबिंब गुरुमाऊलीच्या चरणपादुकांत ।

– सौ. अक्षरा दिनेश बाबते, संभाजीनगर (३०.५.२०२०)

परात्पर गुरुमाऊलीने दिधली सद्गुरु जाधवकाकांच्या रूपात मायमाऊली ।

कृतज्ञतेच्या पुष्प ओंजळी किती वाहू तव चरणी ।
दिधली तुम्ही आम्हाला श्री गुरूंचीच कृपासावली ॥ १ ॥

घडवण्या साधका करी प्रयत्न रात्रंदिन ।
वाढवण्या गुरुकार्य करती प्रयत्न विसरूनी देहभान ॥ २ ॥

मधुर हास्य तुमचे, करिती वर्षाव आनंद अन् चैतन्य यांचा ।
प्रेमळ वाणीने होता आधार आम्हा सर्व लेकरांचा ॥ ३ ॥

गाता भजन तुम्ही, होतो दंग आम्ही ।
‘याची देही, याची डोळा’ पहातो तुमच्यात ज्ञानोबा-तुकोबा माऊली ॥ ४ ॥

गुरुभक्तीचा महिमा रुजवता सर्वांच्या अंतरी ।
कोटीशः कृतज्ञ आम्ही परात्पर गुरुमाऊलींच्या चरणी ।
ज्यांनी दिधली आम्हा सद्गुरु जाधवकाकांच्या रूपात मायमाऊली ॥ ५ ॥

– कु. प्रियांका लोणे, संभाजीनगर (३०.५.२०२०)