सर्वोच्च न्यायालयाने मराठा आरक्षण रहित केल्याचे प्रकरण ! समितीच्या अहवालावरून पुनर्विचार याचिकेविषयी निर्णय होणार !

मराठा आरक्षण हा अतिशय महत्त्वाचा विषय आहे. यामध्ये कुणीही भडक वक्तव्ये करून समाजामध्ये विद्वेष निर्माण करू नये. याविषयी पोलीस यंत्रणा परिस्थितीवर लक्ष ठेवून आहे. सध्या राज्यात कोरोनाची परिस्थिती गंभीर आहे.

मराठा आरक्षणावर सर्वोच्च न्यायालयाने दिलेल्या निकालाचा मराठा समाजामनावरील परिणाम आम्ही समजू शकतो; मात्र कोरोनाच्या या कसोटीच्या काळात मराठा समाजाने संयम बाळगावा, असे आवाहन सातारा जिल्हा पोलीस अधीक्षक अजयकुमार बन्सल यांनी केले आहे.