सातारा जिल्ह्यात कोरोना संसर्गाची साखळी तुटत नसल्याने जिल्ह्यातील स्थितीचा आढावा घेऊन तातडीने उपाययोजना करण्यासाठी उपमुख्यमंत्री अजित पवार आणि आरोग्यमंत्री राजेश टोपे २८ मे या दिवशी सातारा जिल्ह्यात येत आहेत.

शहरातील दाट वस्ती असणार्‍या भागांतील सर्व रस्ते पूर्णपणे बंद करण्यात आले आहेत. आता अनावश्यक रस्त्यावर फिरणार्‍या नागरिकांची कोरोना चाचणी करण्यात येणार आहे, असा निर्णय सर्व प्रभाग अध्यक्षांच्या बैठकीत घेण्यात आला.