सिंहस्थ कुंभपर्वासाठी बोधचिन्ह स्पर्धेत प्रथम क्रमांक पटकावल्याविषयी सुमित काटे यांचा सत्कार

कोल्हापूर, १७ जून (वार्ता.) – ‘नाशिक-त्र्यंबकेश्वर सिंहस्थ कुंभपर्व २०२७’साठी बोधचिन्ह स्पर्धा आयोजित करण्यात आली होती. या स्पर्धेत भाग घेतलेल्या श्री. सुमित काटे यांनी प्रथम क्रमांक मिळवला. त्याविषयी कोल्हापूर महापालिकेच्या महापौर सौ. रूपाराणी निकम यांच्या हस्ते त्यांचा महापालिकेच्या महासभेत विशेष सत्कार करण्यात आला. या प्रसंगी आयुक्त डॉ. राजेंद्र भारुड उपस्थित होते. या संदर्भातील विशेष ठराव हा भाजपचे नगरसेवक श्री. विजय खाडे यांनी दिला होता.