गोव्यातील ज्येष्ठ नाट्यकर्मी प्रसाद सावकार यांचे निधन

पणजी – गोव्यातील प्रसिद्ध ज्येष्ठ नाट्यकर्मी आणि शास्त्रीय गायक पद्मश्री पंडित प्रसाद सावकार यांचे वयाच्या ९८ व्या वर्षी दु:खद निधन झाले. पद्मश्री (कै.) प्रसाद सावकार यांची मराठी नाट्यक्षेत्रात अण्णासाहेब किर्लाेस्करांचे ‘संगीत सौभद्र’ ते अलीकडील डॉ. मीना नेरूरकर यांचे ‘संगीत अवघा रंग एक झाला’ या नाटकापर्यंत अनेक दशकांची दीर्घ अशी यशस्वी कारकीर्द पुढील पिढ्यांना मार्गदर्शक आणि प्रेरणादायी राहील. पद्मश्री पुरस्कारासहित त्यांना बालगंधर्व सुवर्णपदक, संगीतभूषण राम मराठे स्मृती पुरस्कार, गोवा शासनाचा कलावंत पुरस्कार, दिनानाथ मंगेशकर पुरस्कार, लता मंगेशकर पुरस्कार आदी प्राप्त झाले आहेत. करंझाळे, पणजी येथील रहात्या घरी त्यांचे निधन झाले. त्यांच्या पार्थिवावर १८ जूनला सकाळी १० वाजता अंत्यसंस्कार करण्यात येणार आहेत.

महर्षि अध्यात्म विश्वविद्यालयाच्या वतीने पद्मश्री (कै.) प्रसाद सावकार यांची वर्ष २०२२ मध्ये भेट घेण्यात आली होती. त्यांची काही लक्षात आलेली गुणवैशिष्ट्ये लवकरच प्रसिद्ध करत आहोत.