कोरोनाच्या प्रारंभीच्या काळात भारताने अमेरिकेला केलेले साहाय्य आम्ही कधीही विसरणार नाही. आम्ही निश्‍चिती देतो की, कोरोनाच्या या कठीण काळात आम्ही भारतासमवेत उभे आहोत, अशा शब्दांत अमेरिकेचे परराष्ट्रमंत्री अँटनी ब्लिंकेन यांनी भारताचे आभार मानत साहाय्य करण्याचे आश्‍वासन दिले आहे.

कोरोना काळात अनेक देशांनी अनेकांच्या मृत्यूंच्या आकडेवारीची नोंदच केलेली नाही. अनेक मोठ्या देशांनी मृतांचा खरा आकडा जगापासून लपवला असल्याचा दावा वॉशिंग्टन युनिव्हर्सिटीच्या ‘हेल्थ मेट्रिक्स अँड इव्हॅल्यूएशन इन्स्टिट्यूट’ने एका विश्‍लेषणात केला आहे.

भारतात कोविशिल्ड लसीच्या दोन डोसमधील कालावधी ६ ते ८ आठवड्यांवरून १२ ते १६ आठवडे करण्यात आला आहे. एकीकडे या निर्णयावर टीका होत असतांना दुसरीकडे तज्ज्ञांकडून या निर्णयाचे स्वागत करण्यात आले आहे.