सनातन प्रभात > Post Type > बातम्या > राष्ट्रीय बातम्या > Babri Masjid : बंगालमधील बेलडांगा येथे ६ डिसेंबरला बाबरी मशिदीची पायाभरणी करणार ! – आमदार हुमायू कबीर, तृणमूल काँग्रेस

Babri Masjid : बंगालमधील बेलडांगा येथे ६ डिसेंबरला बाबरी मशिदीची पायाभरणी करणार ! – आमदार हुमायू कबीर, तृणमूल काँग्रेस

बंगालमधील तृणमूल काँग्रेसचे आमदार हुमायू कबीर यांची घोषणा

आमदार हुमायू कबीर

कोलकाता (बंगाल) : मुर्शिदाबादमधील बेलडांगा येथे येत्या ६ डिसेंबरला बाबरी मशिदीची पायाभरणी करणार असल्याची घोषणा तृणमूल काँग्रेसचे आमदार हुमायू कबीर यांनी केली. कबीर यांनी गेल्या वर्षी १२ डिसेंबरला मशीद बांधण्याचा शब्द दिला होता.

कबीर पुढे म्हणाले,

‘‘मशिदीच्या पायाभरणीच्या या कार्यक्रमाला मुसलमानांच्या धार्मिक नेत्यांसह अनुमाने २ लाख लोक उपस्थित रहातील. मुर्शिदाबादसह उत्तर बंगाल आणि बीरभूम जिल्ह्यांतून बरेच लोक येतील. देहली, कोलकाता आणि मुंबई येथूनही अनेक जण येणार आहेत. मशिदीच्या पायाभरणीची सर्व सिद्धता पूर्ण झाली आहे. स्थानिक पोलीस आणि प्रशासन यांना याविषयी माहिती देण्यात आली आहे. ही मशीद बांधून पूर्ण व्हायला ३ वर्षे लागतील.’’

मुख्यमंत्र्यांच्या सभेलाही रहाणार अनुपस्थित !

याच दिवशी तृणमूल काँग्रेसच्या सर्वेसर्वा तथा राज्याच्या मुख्यमंत्री ममता बॅनर्जी आणि अभिषेक बॅनर्जी या कोलकात्यात एका सार्वजनिक सभेला संबोधित करणार आहेत.  तथापि पायाभरणीच्या कार्यक्रमामुळे पक्षाच्या या सभेला उपस्थित राहू शकणार नसल्याचे कबीर यांनी म्हटले आहे. (यावरून मुसलमानांना त्यांच्या पक्षापेक्षा धर्म मोठा असतो, हे लक्षात येते ! – संपादक)

(म्हणे) ‘बाबरी मशीद पाडणे, हे कटकारस्थान होते !’

कबीर पुढे म्हणाले की,

बाबरी मशीद पाडणे, हे कटकारस्थान होते. (बाबरी मशीद ही श्रीराममंदिर पाडूनच बांधली गेली होती, हे न्यायालयात सिद्ध झाल्याविषयी मुसलमान नेते काही बोलत का नाहीत ? वादग्रस्त बाबरी मशीद पाडणे, हे कटकारस्थान वाटणार्‍या कबीर यांना त्यांच्या बांधवांनी श्रीराममंदिर पाडणे, हे योग्य वाटते का ? – संपादक) आम्ही वर्ष १९९२ पासून प्रत्येक वर्षी ६ डिसेंबर हा दिवस‘काळा दिवस’ म्हणून पाळत आहोत. तो अतिशय वेदनादायी दिवस असल्यामुळे ते दुःख थोडे अल्प करण्यासाठी या मशिदीची पायाभरणी केली जाणार आहे.

संपादकीय भूमिका

  • हिंदूंना श्रीरामनवमी, नवरात्रोत्सव आदींच्या मिरवणुकाही काढण्यास अनुमती न देणार्‍या हिंदुद्वेषी ममता बॅनर्जी बाबरी मशीद बांधायला लगेचच अनुमती देतात, हे लक्षात घ्या !
  • ‘कबीर यांच्या भूमिकेमुळे कायदा आणि सुव्यवस्थेचा प्रश्न निर्माण होईल’, असे आता कुणी का म्हणत नाही ?

हेही वाचा → Keshav Prasad Maurya : बाबरीची एकही वीट रचू देणार नाही !

नूतन लेख