ढवळी परिसरात बिबट्याचे आक्रमण

फोंडा – ढवळी येथे श्री वामनेश्वर मंदिराजवळ बिबट्याने पुंडलीक नाईक यांच्या गोठ्यातील २ वासरांवर आक्रमण केले. २५ जूनच्या रात्री ही घटना घडली. या आक्रमणामध्ये १ वासरू ठार झाले आहे, तर दुसरे गंभीररित्या घायाळ झाले आहे. या घटनेमुळे परिसरातील नागरिकांमध्ये भीतीचे वातावरण पसरले आहे. बिबट्याला पकडण्यासाठी पिंजरा लावून त्याचा तातडीने बंदोबस्त करावा, अशी मागणी ग्रामस्थांनी वन विभागाकडे केली आहे.