पक्षातील एकही खासदार फुटणार नसल्याचा शरद पवार यांना विश्वास !

बारामती – पक्षातील खासदार फुटणार असल्याच्या चर्चेला काही अर्थ नसून पक्षातील एकही खासदार फुटणार नाही, असा विश्वास शरदचंद्र पवार पक्षाचे राष्ट्रीय अध्यक्ष शरद पवार यांनी व्यक्त केला. राज्यात घडलेल्या राजकीय घडामोडी शरदचंद्र पवार पक्षात होणार नाहीत, असे सांगत त्यांनी पत्रकारांनी राजकीय घडामोडींवर विचारलेल्या प्रश्नाला उत्तर दिले. बारामती दौर्‍याच्या दरम्यान अनेक कार्यकर्ते, पदाधिकारी आणि नागरिक यांनी शरद पवारांची भेट घेतली.