MP Rape Victim Justice : ६ वर्षांच्या मुलीवर बलात्कार करून हत्या करणार्‍याला फाशीची शिक्षा

२ जानेवारीच्या घटनेवर ११ एप्रिलला निकाल !

भोपाळ (मध्यप्रदेश) – मध्यप्रदेशातील सिवनी मालवा येथे ६ वर्षांच्या मुलीवर बलात्कार करून तिची हत्या केल्याच्या प्रकरणी आरोपी अजय वाडिबाला याला फाशीची शिक्षा सुनावली. तसेच ३ सहस्र रुपयांचा दंड भरण्याचा आणि पीडितेच्या कुटुंबाला ४ लाख रुपयांची हानीभरपाई देण्याचाही आदेश दिला. २ जानेवारी २०२५ या दिवशी ही घटना घडली होती. अजय याने या मुलीचे अपहरण करून तिला झुडुपात नेले आणि तिचे बलात्कार केला. तिने आरडाओरड करण्याचा प्रयत्न केल्यावर तिचा गळा दाबून हत्या केली आणि तेथेच मृतदेह फेकून दिला होता.