श्री शिवप्रतिष्ठान हिंदुस्थानचे सुरेश नारायण गुळवणी यांचे निधन !

विटा (जिल्हा सांगली) – विटा येथील श्री शिवप्रतिष्ठान हिंदुस्थानचे ज्येष्ठ धारकरी, हिंदुत्वनिष्ठ आणि दीनदयाळ पतसंस्थेचे माजी अध्यक्ष सुरेश नारायण गुळवणी (वय ७२ वर्षे) यांचे ५ सप्टेंबर या दिवशी सकाळी ११ वाजता निधन झाले. विटा येथील सनातन संस्थेच्या साधिका सौ. अमृता गुळवणी यांचे ते सासरे होते. सनातन संस्था, राष्ट्रीय स्वयंसेवक संघ, श्री शिवप्रतिष्ठान हिंदुस्थान या संघटनांशी त्यांचा पूर्ण परिवार जोडलेला आहे. त्यांच्या पश्चात आई, पत्नी, २ विवाहित मुले, सुना, नातवंडे असा परिवार आहे. त्यांच्या अंत्यविधीस श्री शिवप्रतिष्ठान हिंदुस्थानचे संस्थापक पू. संभाजीराव भिडेगुरुजी उपस्थित होते.