मुख्यमंत्री सिद्धरामय्या प्रामाणिक असतील, तर त्यांनी चौकशीला सामोरे जावे ! – S L Bhyrappa

‘मुडा’ भूमी घोटाळ्यावरून साहित्यिक एस्.एल्. भैरप्पा यांचे विधान

मैसुरू (कर्नाटक) – ‘मुडा’ भूमी घोटाळ्याच्या प्रकरणी राज्यपालांनी मुख्यमंत्री सिद्धरामय्या यांच्याविरुद्ध खटला चालवण्याची अनुमती दिल्यानंतर राज्यातील प्रसिद्ध साहित्यिक एस्.एल्. भैरप्पा यांनी ‘जर मुख्यमंत्री सिद्धरामय्या हे प्रामाणिक असतील, तर त्यांनी चौकशीला सामोरे जावे; पण राज्यपालांचा अपमान करू नये’, अशी प्रतिक्रिया व्यक्त केली आहे. येथील गणपति सच्चिदानंद आश्रमात मेघालयचे राज्यपाल सी.एच्. विजयशंकर यांचा सत्कार करतांना त्यांनी हे विधान केले.