पीडितेने घटनेची वाच्यता करू नये, यासाठी मौलवीने तिला कुराणची शपथ घातली
मधुबानी (बिहार) – बिहारमधील मधुबानी येथे मदरशातील एका मौलवीने (मौलवी म्हणजे इस्लामचा धार्मिक नेता) अल्पवयीन मुलीवर बलात्कार केला. येथील मदरशातील मौलवीने पीडित अल्पवयीन मुलीवर अनेक वेळा बलात्कार केला. पीडित मुलगी ७ महिन्यांची गर्भवती झाल्यानंतर हे प्रकरण उघडकीस आले. आरोपी मौलवी पसार असून त्याला अटक करण्यासाठी पोलीस ठिकठिकाणी धाडी घालत आहेत.
याविषयी मिळालेल्या माहितीनुसार पीडित मुलगी शिकवणीवर्गासाठी मदरशात जायची. इतर मुले घरी गेल्यानंतर मौलवी तिला थांबवून घेऊन तिच्यावर बलात्कार करत असे. प्रत्येक वेळी तो तिला ठार मारण्याची धमकी देत असे. इतकेच नव्हे, तर तिने या घटनेची कुठेही वाच्यता करू नये यासाठी मौलवीने तिला कुराणची शपथ घातली होती. जेव्हा मुलगी ७ महिन्यांची गर्भवती झाली, तेव्हा हे प्रकरण उघड झाले. अल्लाहच्या भीतीमुळे पीडित मुलीने तिच्या पालकांना याविषयी सांगितले नाही. जेव्हा ती सात महिन्यांची गर्भवती झाली, तेव्हा तिच्या आईने तिला प्रश्‍न विचारला. यानंतर तिने संपूर्ण घटना तिच्या आईला सांगितली. पीडित मुलीच्या कुटुंबात एकच खळबळ उडाली.
गावातील लोकांनीच मदरशाला टाळे ठोकले !सरकारी यंत्रणा काहीही करणार नाहीत, याची निश्‍चिती असल्याने आता जनताच चुकीची कृत्ये रोखण्यासाठी कृती करू लागली आहे, असे कुणाला वाटल्यास चुकीचे काय ? ही माहिती मिळताच गावातील लोक संतापले. त्यांनी मदरशाला टाळे ठोकले आणि मौलवीच्या विरोधात निदर्शने केली. मदरशामध्ये जाणार्‍या विद्यार्थ्यांनी मदरशाचे प्रमुख मौलवी कारी शाहनवाझ यांच्यावर गंभीर आरोप केले आहेत. ही घटना उघडकीस आल्यानंतर खुटोना पोलीस ठाण्यात कारी शाहनवाझच्या विरोधात गुन्हा नोंदवण्यात आला आहे. या प्रकरणी पोलीस पुढील अन्वेषण करत आहेत. |
संपादकीय भूमिका
|
पुणे येथे बनावट आधारकार्डाद्वारे बोगस मतदान; धर्मांधाला अटक
झारखंडमध्ये पुन्हा झारखंड मुक्ती मोर्चा आणि काँग्रेस यांची आघाडी बहुमताकडे अग्रेसर 
उत्तरप्रदेशामध्ये ९ पैकी ७ जागांवर भाजपला आघाडी
गोध्राचे वास्तव दाखवणारा ‘द साबरमती रिपोर्ट’ चित्रपट !
पश्चिम महाराष्ट्र विधानसभा २०२४ निवडणुकीचे निकाल
२५ नोव्हेंबरला सर्वोच्च न्यायालय देणार निर्णय