मिरज – येथील सनातनचे साधक कु. कृष्ण राघवेंद्र आचार्य याने इयत्ता १० वीच्या परीक्षेत ८७.६० टक्के गुण प्राप्त केले आहेत. परीक्षा चालू असतांना त्याला परीक्षेचा ताण कधीच आला नाही. ‘हे यश गुरुदेवांच्या कृपेमुळे मिळाले आहे’, असा त्याचा भाव आहे.
पलूस (जिल्हा सांगली) – येथील सनातनचा साधक कु. सुयोग शैलेश कट्टी याने इयत्ता १० वीच्या परीक्षेत ८६.४० टक्के गुण प्राप्त केले आहेत. तो त्याच्या मित्रांना साधनेविषयी सांगतो. साधक आणि धर्मप्रेमी यांना सात्त्विक उत्पादनांचे वितरण करणे, भित्तीपत्रके लावणे, हस्तपत्रके वाटप करणे या सेवा तो तळमळीने करतो.
पुणे – येथील सनातनचा साधक कु. समर्थ शैलेंद्र शिंदे याला १० वीच्या परीक्षेत ८५.६० टक्के गुण मिळाले आहेत. समर्थ हा सनातनचे साधक शैलेंद्र शिंदे यांचा मुलगा आहे. त्याला मिळालेल्या यशाविषयी कु. समर्थ म्हणाला की, मला इयत्ता आठवीमध्ये केवळ ४८ टक्के गुण होते. त्यानंतर मी प्रतिदिन सकाळी कुलदेवतेचा नामजप करायला प्रारंभ केला. त्यामुळे माझ्या मनाची चंचलता अल्प होऊन एकाग्रता वाढली. पेपर लिहितांना आरंभीला पेपराच्या भोवती मानसरित्या भगवान श्रीकृष्णाच्या नावाचे मंडल केले. एखाद्या प्रश्नाचे उत्तर आठवत नसल्यावर श्रीकृष्णाचा जप केल्यावर उत्तर आठवत होते.
पुणे – येथील सनातनची ५५ टक्के आध्यात्मिक पातळीची साधिका कु. श्रेया वैभव मेढेकर हिला १० वीच्या परीक्षेत ८० टक्के गुण मिळाले आहेत. कु. श्रेया श्रीकृष्णाचा नामजप आणि प्रार्थना करते. कु. श्रेयाचे वडील श्री. वैभव मेढेकर यांनी सांगितले की, ती सेवा करण्यास तत्पर असते, तिला ‘देवच अभ्यास करवून घेत आहे’, असे वाटत होते.
सर्व विद्यार्थी साधकांनी या यशाचे श्रेय सच्चिदानंद परब्रह्म डॉ. आठवले यांच्या चरणी अर्पण केले आहे. सर्वांचा त्यांच्याप्रती पुष्कळ भाव आहे.
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |
हिंदु जनजागृती समितीचे युवा संघटक श्री. हर्षद खानविलकर यांना सच्चिदानंद परब्रह्म डॉ. आठवले साधकांकडून करून घेत असलेल्या साधनेचे महत्त्व लक्षात येणे
कुटुंबियांना साधनेचे महत्त्व पटवून देऊन त्यांना तळमळीने साधनेस प्रवृत्त करणारे बांदोडा (गोवा) येथील श्री. दीपक छत्रे !
सात्त्विकतेची ओढ असलेली सनीवेल (कॅलिफोर्निया), अमेरिका येथील चि. मीरा मयूर अवघडे (वय १ वर्ष) !
‘शिबिरा’साठी आलेल्या साधिकेला चैतन्यमय अशा रामनाथी, गोवा येथील सनातनच्या आश्रमात आलेल्या अनुभूती !
पू. अशोक पात्रीकर यांच्या सत्संगात साधिका करत असलेल्या नामजपात पालट होऊन तिचा ‘परम पूज्य’, असा नामजप आपोआप होऊ लागणे आणि आनंदाची अनुभूती येणे
पू. (श्रीमती) निर्मला दातेआजी यांच्या आजारपणात नामजपादी उपाय करतांना सच्चिदानंद परब्रह्म डॉ. आठवले यांनी केलेले मार्गदर्शन