‘माझा संकलनाची सेवा शिकण्याच्या निमित्ताने रामनाथी आश्रमात रहाणार्‍या सौ. छाया नाफडेकाकू (वय ६३ वर्षे) यांच्याशी संपर्क आला. नंतर मी काही दिवस रामनाथी आश्रमात रहात असतांना मला त्यांच्याकडून अनेक गोष्टी शिकायला मिळाल्या. त्या वेळी त्यांची जाणवलेली गुणवैशिष्ट्ये पुढे दिली आहेत.
१. प्रेमभाव आणि इतरांचा विचार
अ. सौ. नाफडेकाकूंमध्ये पुष्कळ प्रेमभाव आहे. त्या नेहमी सर्वांची आपुलकीने विचारपूस करतात. त्यांचे सर्वांकडे लक्ष असते. एकदा आईला (सौ. सुजाता रेणके यांना) आश्रमात न्याहारी करण्यासाठी उशीर झाला आणि न्याहारी संपली होती. पुढच्या वेळी असे होऊ नये; म्हणून त्यांनी आईसाठी आठवणीने न्याहारी काढून ठेवली आणि ‘‘प्रतिदिन तुमच्यासाठी न्याहारी ठेवत जाईन’’, असे आईला म्हणाल्या.
आ. मी प्राथमिक संकलन केलेल्या धारिका पडताळण्यासाठी त्यांनी मला त्यांच्या सेवेतून पुरेसा वेळ दिला. त्यासाठी त्या कधीच ‘नाही’ म्हणाल्या नाहीत. मी सेवा शिकावी, यासाठी त्यांनी मला सर्वतोपरी साहाय्य केले.
२. नियोजनबद्धता आणि वक्तशीरपणा
काकू प्रत्येक गोष्ट ठरवलेल्या वेळेत करतात. त्यांचे दिवसभराचे नियोजन ठरलेले असते. त्याप्रमाणेच त्या त्यांची सेवा आणि नामजपादी उपाय करतात. त्यामुळे त्यांचा अनावश्यक वेळ गेल्याचे मी पाहिले नाही.
३. कर्तेपणा नसणे
एकदा मी काकूंना म्हणाले, ‘‘तुम्ही अंतिम संकलन करतांना कसा विचार करता ?’’ त्या वेळी त्या म्हणाल्या, ‘‘शरणागती ठेऊन प्रार्थना केल्यावर देव आपोआप सुचवतो. आपल्याला काही करावे लागत नाही.’’
४. तत्त्वनिष्ठ
काकूंनी संकलन सेवा शिकवतांना अनेक वेळा माझ्या चुका सांगितल्या; पण त्या वेळी त्यांना माझा राग आला नाही. त्यांनी तत्त्वनिष्ठ राहून माझ्या चुका सुधारण्यासाठी मला साहाय्य केले. एकदा मी माझी मुलगी कु. अपाला औंधकर (आध्यात्मिक पातळी ६१ टक्के, वय १६ वर्षे) हिने केलेल्या नृत्यातील मुद्रांच्या अभ्यासाच्या धारिका संकलन करत होते. त्या वेळी मला अनेक शंका असायच्या. तेव्हा काकूंनी प्रत्येक वेळी माझ्या शंकांचे निरसन केले आणि ‘‘स्वतःच्या मुलीच्या धारिका आहेत; म्हणून भावनाशील न होता तत्त्वनिष्ठ राहून संकलन कर’’, असे सांगून त्यांनी मला माझ्या ‘भावनाशीलता’ या स्वभावदोषाची जाणीव करून दिली. त्या वेळी ‘देवच काकूंच्या माध्यमातून मला शिकवत आहे’, असे मला वाटले.
५. साधनेचे गांभीर्य
काकूंना आध्यात्मिक त्रासामुळे नामजपादी उपायांचे घंटे अधिक आहेत. काकू उपायांच्या वेळा पूर्ण करूनच रात्री झोपतात. इतके घंटे उपाय असूनही त्या उपायांच्या वेळेत नेहमी उत्साही दिसतात. उपायांना बसल्यावर त्यांना झोप आल्याचे मी पाहिले नाही.
६. सेवेची तळमळ
अ. काकूंकडे अनेक वेळा तातडीच्याच सेवा असतात. त्यांना त्या सेवा पूर्ण करण्यासाठी अधिक वेळ द्यायचा असल्यास त्या पहाटे ४ वाजता उठून सेवा पूर्ण करतात.
आ. संकलनासाठी आलेल्या धारिकेत एखादी शंका असेल, तर त्या सगळे प्रयत्न करून शंकेचे निरसन करून घेतात आणि धारिका अंतिम करतात. ‘धारिका पूर्ण करण्यासाठी कोणत्या गोष्टी आवश्यक आहेत ?’, याचे बारकावे मला त्यांच्याकडून शिकायला मिळाले.
७. परात्पर गुरु डॉ. आठवले यांच्या प्रति भाव आणि श्रद्धा
अ. काकू संकलनातील बारकावे सांगतांना, ‘त्यांना परात्पर गुरु डॉक्टरांनी शिकवले आहे’, याविषयी नेहमी कृतज्ञताभावाने सांगतात.
आ. काकू परात्पर गुरु डॉक्टरांनी सांगितलेली आणि शिकवलेली प्रत्येक कृती भावपूर्ण करतात. त्या वेळी त्या बुद्धीचा अडथळा आणत नाहीत.
हे गुरुदेवा, तुमच्या कृपेमळे मला काकूंकडून संकलनाची सेवा शिकण्याची संधी मिळाली, यासाठी तुमच्या चरणी कोटीशः कृतज्ञ आहे आणि ‘काकूंकडून शिकायला मिळालेली सूत्रे मला कृतीत आणता येऊ देत’, अशी शरणागतभावाने प्रार्थना करते.’
– सौ. दीपा औंधकर, रत्नागिरी
|
‘शांत, नम्र, समजूतदार आणि पत्नीला साधनेसाठी सर्वतोपरी साहाय्य करणे’ इत्यादी गुणांनी युक्त असे आदर्श व्यक्तीमत्त्व श्री. श्रीकांत बेलसरे !
५३ टक्के आध्यात्मिक पातळी असलेली उच्च स्वर्गलोकातून पृथ्वीवर जन्माला आलेली पुणे येथील चि. यशदा गौरीश पुराणिक (वय ३ वर्षे) !
तीव्र आध्यात्मिक त्रास होत असतांना साधकाला गुरुकृपेने सुचलेली कवने !
सच्चिदानंद परब्रह्म डॉ. आठवले यांच्या ब्रह्मोत्सवाचे संगणकीय प्रक्षेपण पहातांना मध्यप्रदेशामधील साधकांना जाणवलेली सूत्रे आणि आलेल्या अनुभूती
आश्रम परिसरात असणार्या मंदिरांना प्रदक्षिणा घालतांना चैतन्य मिळून त्रास न्यून होत असल्याविषयी साधिकेला आलेल्या अनुभूती
सच्चिदानंद परब्रह्म डॉ. आठवले साधकांसमवेत सूक्ष्मातून राहून त्यांचे कसे रक्षण करतात, याची साधकाला आलेली अनुभूती !