भारत-चीन सैनिकी स्तरावरील चर्चेत सीमेवर शांतता राखण्यावर एकमत

नवी देहली : भारत आणि चीन यांच्या सैन्यामध्ये ‘कॉर्प्स कमांडर’ स्तरावरील चर्चेची २० वी फेरी ९ आणि १० ऑक्टोबर या दिवशी लडाख सेक्टरमधील चुशुल-मोल्डोजवळ झाली. या संदर्भात भारताच्या परराष्ट्र मंत्रालयाने प्रसारित केलेल्या निवेदनानुसार, या बैठकीत भारत आणि चीन यांच्यातील वास्तविक नियंत्रण रेषा अन् इतर सूत्रे यांवर चर्चा झाली.

 (सौजन्य : Prabhasakshi)

लडाखमधील डेपसांग आणि डेमचोक येथून सैन्य मागे घेण्यासाठी भारतीय सैन्याधिकार्‍यांनी चीनवर दबाव आणला. भारत आणि चीन यांनी सीमाभागात शांतता राखण्याचे मान्य केले आहे. दोन्ही देशांनी मोकळ्या पद्धतीने त्यांचे विचार मांडले.