१. भाववृद्धी सत्‍संगात श्रीसत्शक्ति (सौ.) बिंदा सिंगबाळ श्‍लोक म्‍हणत असतांना शब्द कानी न पडता केवळ नाद ऐकू येणे आणि नादातून तेजतत्त्व प्रक्षेपित होऊ लागणे
‘१.७.२०२१ या दिवशी झालेल्‍या भाववृद्धी सत्‍संगात श्रीसत्शक्ति (सौ.) बिंदा नीलेश सिंगबाळ यांनी एक श्‍लोक म्‍हटला. तेव्‍हा त्या म्‍हणत असलेले शब्द कानी न पडता मला केवळ नाद ऐकू येऊ लागला. त्‍यांच्‍या वाणीतील चैतन्‍यामुळे त्‍यांचे शब्द जणू वातावरणात विरून गेले आणि त्‍यांचे रूपांतर नादात झाले. त्या नादाचे तरंग माझ्‍या सहस्रारचक्रातून देहात प्रवेश करत असल्‍याचे मला जाणवले. क्षणात माझ्‍यावर आलेले काळ्‍या (त्रासदायक) शक्‍तीचे आवरण नष्‍ट झाले. त्या दैवी नादातून वातावरणात पुष्‍कळ तेजतत्त्व प्रक्षेपित होऊ लागले. त्‍यामुळे अल्‍पावधीत वातावरणाची शुद्धी होऊन नादातून चैतन्‍यतरंग प्रक्षेपित होऊ लागले. वातावरण चैतन्‍यमय होऊन पुढील काही क्षणांत त्या नादातून पांढर्‍या रंगाचे तुषार वातावरणात कारंज्‍याप्रमाणे प्रक्षेपित होऊ लागले. त्या वेळी ‘वातावरणात निर्गुण तत्त्वाचे प्रमाण वाढले आहेे’, असे मला जाणवले.
२. श्रीसत्शक्ति (सौ.) बिंदा सिंगबाळ यांच्या चैतन्‍यमय वाणीतील श्‍लोकाचा सर्व साधक अन् वातावरण यांवर होत असलेला परिणाम पाहून कृतज्ञतेने भाव जागृत होणे
श्रीसत्शक्ति (सौ.) बिंदा सिंगबाळ यांच्या चैतन्‍यमय वाणीतील श्‍लोकाचा सर्व साधक अन् वातावरण यांवर होत असलेला परिणाम पाहून कृतज्ञतेने माझा भाव जागृत झाला आणि मन शांत झाले. ‘सत्‍संगातील सूत्रे अंतर्मनात जाऊन साधकांकडून सत्‍वर कृती व्‍हावी’, यासाठी ही भगवंताची लीला आहे’, हे जाणून माझ्‍या मनात पुष्‍कळ कृतज्ञता दाटून आली. या आपत्‍काळात धर्मकार्याची गती प्रचंड असल्‍यामुळे श्रीसत्शक्ति (सौ.) सिंगबाळ स्‍वतः भाववृद्धी सत्‍संग घेत आहेत. ‘या अनुभूतीच्‍या माध्‍यमातून भगवंताने मला हे दाखवले’, त्‍याबद्दल कृतज्ञता !
३. श्रीसत्शक्ति (सौ.) सिंगबाळ यांनी दुसरा श्‍लोक म्‍हटल्‍यावर दैवी नाद ऐकू येणे आणि अनाहतचक्राच्‍या ठिकाणी आनंददायी संवेदना जाणवणे
काही वेळाने श्रीसत्शक्ति (सौ.) सिंगबाळ यांनी दुसरा श्‍लोक म्‍हटला. त्या श्‍लोकातील शब्द ऐकू न येता मला केवळ दैवी नाद ऐकू येत होता. त्या नादामुळे माझे अनाहतचक्र जागृत होऊन मला तेथे आनंददायी संवेदना जाणवू लागल्‍या. काही क्षणांत तेथे भावाचे वलय कार्यरत झाले. त्या वेळी ‘श्रीसत्शक्ति (सौ.) सिंगबाळ यांच्या वाणीतील श्‍लोकांचा परिणाम अल्‍पावधीत पुष्‍कळ होत आहे’, याची मला प्रचीती आली.
४. श्रीसत्शक्ति (सौ.) सिंगबाळ यांनी पुढील श्‍लोक म्‍हटल्‍यावर साधिकेच्‍या मणिपूरचक्राच्‍या ठिकाणी तेजतत्त्व कार्यरत होणे आणि तिच्‍या देहाच्‍या ठिकाणी संपूर्ण सृष्‍टीचे दर्शन होणे
श्रीसत्शक्ति (सौ.) सिंगबाळ यांनी पुढील श्‍लोक म्‍हणताच माझ्‍या मणिपूरचक्राच्‍या ठिकाणी तेजतत्त्व कार्यरत होऊन माझे मणिपूरचक्र जागृत झाले. माझ्‍या देहात प्रचंड ऊर्जा निर्माण झाली. नंतर मला सूक्ष्मातून सागराच्‍या लहरी दिसल्‍या. मला माझ्‍या देहाच्‍या जागी संपूर्ण सृष्‍टीचे दर्शन झाले. ‘या सृष्‍टीतील सागराच्‍या लहरी नृत्‍य करत सूर्यनारायणाला नमस्‍कार करत आहेत’, असे मला जाणवले.
५. श्रीसत्शक्ति (सौ.) सिंगबाळ यांनी सूक्ष्मातून परात्‍पर गुरुदेवांच्‍या खोलीत जाण्‍याचा भावजागृतीचा प्रयोग घेतल्‍यावर तेथे केवळ प्रकाश दिसणे आणि त्या प्रकाशातून गुरुदेव साकार रूपात आल्‍याचे दिसणे
श्रीसत्शक्ति (सौ.) सिंगबाळ यांनी ‘आम्‍ही परात्‍पर गुरुदेवांच्‍या खोलीत गेलो आहोत’, असा भावजागृतीचा प्रयोग करण्‍यास सांगितला. तो प्रयोग करत असतांना परात्‍पर गुरुदेवांच्‍या खोलीत मला केवळ चैतन्‍यच अनुभवायला येत होते. तेथे गुरुदेव दिसत नसून केवळ प्रकाश दिसत होता. त्या वेळी मी ‘मला हे चैतन्‍य ग्रहण करता येऊ दे. तुमचे हे तेज मला सहन करता येऊ दे’, अशी प्रार्थना केली. तेव्‍हा त्या प्रकाशातून गुरुदेव साकार रूपात आले आणि मी त्‍यांच्‍या चरणांवर नतमस्‍तक झाले.
६. सुश्री (कु.) तेजल पात्रीकर आणि सौ. अनघा जोशी यांच्या आवाजातील गुरुदेवांच्‍या संदर्भातील एक गीत लावल्‍यावर त्‍यातील शब्द ऐकू न येता पारदर्शक पाण्‍याप्रमाणे आकाशातून पडणारा भावप्रवाह दिसणे
नंतर महर्षि अध्‍यात्‍म विश्‍वविद्यालयाच्‍या सुश्री (कु.) तेजल पात्रीकर (आध्‍यात्मिक पातळी ६१ टक्‍के) आणि सौ. अनघा शशांक जोशी (आध्‍यात्मिक पातळी ६२ टक्‍के) यांच्या आवाजातील गुरुदेवांच्‍या संदर्भातील एक गीत सत्‍संगात लावण्‍यात आले. ते ऐकतांना मला त्‍यातील शब्द ऐकू येत नव्‍हते. त्या वेळी मला पारदर्शक पाण्‍याप्रमाणे आकाशातून पडणारा भावप्रवाह दिसत होता. त्या भावप्रवाहात सर्व जण भावस्नान करत परात्‍पर गुरुदेवांना अनुभवत होते. हे दृश्‍य पहातांना मला पुष्‍कळ आनंद होत होता. गायन भावपूर्ण झाल्‍याने मला शब्‍दांपेक्षा त्‍यातून निर्माण होणार्‍या भावाची अनुभूती घेता येत होती.
७. कृतज्ञता
‘हे गुरुराया, तुम्‍ही आम्‍हा सर्वांसाठी किती करत आहात ! कलियुगातील हा भाववृद्धी सत्‍संग म्हणजे जणू क्षणोक्षणी गीतोपदेशाप्रमाणे प्रत्‍येक सूत्र आचरणात आणण्‍यासाठी प्रेरणा देणारा अनमोल सत्‍संग आहे. ‘आम्‍हा सर्व साधकांकडून तुम्‍हाला अपेक्षित असे प्रयत्न तुम्‍हीच करून घ्‍या.’ हीच तुमच्‍या चरणी शरणागतभावाने प्रार्थना !’
– होमिओपॅथी वैद्या सुश्री (कु.) आरती तिवारी, फोंडा, गोवा. (१.७.२०२१)
|
सद्गुरु डॉ. मुकुल गाडगीळ यांनी सांगितलेले नामजपादी उपाय करून तीव्र आध्‍यात्मिक त्रासावर मात करणार्या कु. मधुरा चतुर्भुज !
रामनाथी (गोवा) येथील सनातनच्या आश्रमात आल्यावर सेवेच्या माध्‍यमातून स्वतःत पालट करणारा चेन्नई येथील श्री. हिमनीश बालाजी कोल्ला !
पू. भगवंत मेनरायकाका (वय ८५ वर्षे) यांच्या सेवेसाठी गेल्यावर लक्षात आलेली सूत्रे आणि आलेली अनुभूती
रामनाथी, गोवा येथील सनातनच्या आश्रमात ‘साधकत्व वृद्धी’ शिबिरात सहभागी झालेल्‍या धर्मप्रेमींना आलेल्या अनुभूती
‘सच्चिदानंद परब्रह्म डॉ. आठवले यांचे ‘वयाच्या ८० व्या वर्षी भक्तीयोगाची साधना चालू झाली’, हे उद्गार आणि त्याचा पू. संदीप आळशी यांनी सांगितलेला गर्भितार्थ !’, या लेखाच्या संदर्भात मिळालेले सूक्ष्म स्तरीय ज्ञान आणि आलेली अनुभूती
कर्करोगासारख्या दुर्धर आजाराला स्थिर राहून सामोरे जाणारे देवद, पनवेल येथील कै. प्रभाकर भालचंद्र प्रभुदेसाई !