आतंकवादी झुल्‍फिकार बडोदावाला याच्‍याकडून आतंकवाद्यांना बाँबनिर्मितीचे प्रशिक्षण !

देशाला पोखरणारा आतंकवाद समूळ नष्‍ट करण्‍यासाठी केंद्र आणि राज्‍य सरकारने तातडीने पावले उचलावीत !

पुणे – कोथरूड पोलिसांनी पकडलेले आतंकवादी महंमद खान, महंमद साकी आणि राष्‍ट्रीय अन्‍वेषण यंत्रणेने अटक केलेले आतंकवादी यांचा एकमेकांशी संपर्क असल्‍याचे समोर आले आहे. १ ऑगस्‍ट या दिवशी राज्‍य आतंकवादविरोधी पथकाने एन्.आय.ए.च्‍या (आर्थर रोड कारागृहातून) कह्यात असलेला आतंकवादी झुल्‍फिकार अली बडोदावाला याला अटक केली आहे. बडोदावाला हा तरुण शस्‍त्र बनवण्‍याचे, तसेच हातबाँब आणि पिस्‍तूल बनवण्‍याचे प्रशिक्षण देत असल्‍याचे अन्‍वेषणातून समोर आले आहे. त्‍यानेच कोथरूडहून पकडलेल्‍या दोघांना सासवड घाटाजवळील जंगलात बाँब बनवण्‍याचे प्रशिक्षण दिल्‍याचे आणि चाचण्‍या केल्‍याची माहिती मिळाली आहे. हा आतंकवाद्यांना आर्थिक रसद पुरवणार्‍यांपैकी मुख्‍य संशयित आरोपी होता. त्‍याला ११ ऑगस्‍टपर्यंत पोलीस कोठडी सुनावली आहे. तो रतलाम येथील ‘अल सुफा’ या आतंकवादी संघटनेशी संबंधित आहे.

NIA busted ISIS module in Maharashtra. Arrested Tabish Nasser Siddiqui, Zubair Noor Mohammed Shaikh, Sharjeel Shaikh and Zulfikar Ali Barodawalahttps://t.co/nH0yI4mRue

— OpIndia.com (@OpIndia_com) July 4, 2023