‘२५.६.२०२३ या दिवशी रामनाथी (गोवा) येथे महर्षि अध्‍यात्‍म विश्‍वविद्यालयाच्‍या वतीने गोवा येथील श्री. गौरीश तळवलकर यांच्या शास्‍त्रीय गायनाचा कार्यक्रम आयोजित करण्यात आला होता. त्‍याचे देवाने माझ्‍याकडून सूक्ष्म परीक्षण करवून घेतले. ते पुढे दिले आहे.
१. श्री. गौरीश तळवलकर यांच्या गायनातून वातावरणात सात्त्विक लहरींचे प्रक्षेपण होत होते. त्यामुळे मला माझ्‍या अनाहतचक्राच्‍या ठिकाणी चांगल्‍या संवेदना जाणवत होत्‍या.
२. श्री. तळवलकर रागातील स्‍वर आर्ततेने आळवत होते. त्‍या वेळी मला मिळणार्‍या आनंदात आणखी वाढ होत होती.
३. गायन चालू असतांना श्री सरस्‍वतीदेवीचे अस्‍तित्‍व काही वेळ जाणवले.
४. गायनात राग ‘यमन’ चालू असतांना त्‍यात ‘नादब्रह्म गुणसागर’ असे शब्द अधूनमधून होते. नादब्रह्म, म्हणजे नादातील ब्रह्म किंवा आनंद होय. श्री. तळवलकर यांच्या गायनातून नादब्रह्माची, म्‍हणजेच आनंदाची अनुभूती मला येत होती.
५. श्री. तळवलकर यांचे गायन चालू असतांना त्‍यांच्‍या शरिराच्‍या भोवतीची दैवी आभा हळूहळू मोठी होतांना मला सूक्ष्मातून दिसली.
६. श्री. तळवलकर यांनी ‘नादब्रह्म गुणसागरको’ हे गायन सादर केले. त्‍या वेळी वातावरणात सूक्ष्मातून पांढर्‍या रंगाचे दैवी कण निर्माण झाले. त्‍यानंतर त्‍यांनी ‘रंग दे, रंग दे, रंगरेजवा ।’ हे गायन सादर केले. त्‍या वेळी वातावरणात सूक्ष्मातून विविध रंगी दैवी कण निर्माण झाले.’
– श्री. राम होनप (सूक्ष्मातून प्राप्‍त झालेले ज्ञान), सनातन आश्रम, रामनाथी, गोवा. (२५.६.२०२३)
|
तबलावादन क्षेत्रातील अत्युच्च पातळीचे कलाकार कै. उस्ताद झाकीर हुसेन यांच्याकडून तबलावादक श्री. योगेश सोवनी यांना शिकायला मिळालेली सूत्रे !
पू. (श्रीमती) शेऊबाई लोखंडेआजी यांनी देहत्याग केल्यानंतरच्या त्‍यांच्‍या छायाचित्रांतून उत्तरोत्तर अधिक प्रमाणात चैतन्य प्रक्षेपित होणे
ठाणे येथील शास्‍त्रीय गायक पंडित संजय मराठे यांचे निधन !
श्री शाकंभरीदेवी यागाचा यागातील घटकांवर सकारात्मक परिणाम होणे 
‘महर्षि अध्‍यात्‍म विश्वविद्यालया’च्या अंतर्गत हाता-पायांच्या तळव्यांवरील रेषांच्या संदर्भातील संशोधन कार्यात सहभागी होऊन साधनेच्या सुवर्णसंधीचा लाभ घ्या ! 
सनातनच्या ५८ व्या संत पू. (कै.) श्रीमती विजयालक्ष्मी काळेआजी (वय ८८ वर्षे) यांच्या मृत्यूत्तर सूक्ष्मातील प्रवासाचे सुश्री मधुरा भोसले यांनी केलेले सूक्ष्म परीक्षण !