१. वाराणसी येथील हिंदु राष्‍ट्र अधिवेशनाच्‍या वेळी संतांनी सद़्‍गुरु डॉ. चारुदत्त पिंगळे यांच्‍याविषयी काढलेले गौरवोद़्‍गार !
‘१२ आणि १३.११.२०२२ या दिवशी वाराणसी येथे हिंदु राष्‍ट्र अधिवेशन होते. या अधिवेशनात प्रयाग येथील बुद्धेश्‍वर पिठाधीश्‍वर आणि संत समाज उत्‍थान समितीचे राष्‍ट्रीय अध्‍यक्ष योगी श्री. राजकुमार महाराज उपस्‍थित होते. ते सद़्‍गुरु डॉ. चारुदत्त पिंगळे यांना म्‍हणाले, ‘‘तुमचा योग पूर्ण झाला आहे. तुमची वाणी औषधी होऊ शकते. एखाद्या प्रसंगालाही सकारात्‍मक करून सामावून घेऊ शकते.’’ त्या वेळी मी तेथेच होतो. त्‍यांचे बोलणे ऐकून माझी भावजागृती झाली.
२. सद़्‍गुरु डॉ. चारुदत्त पिंगळे यांची वाणी औषधी आणि सकारात्‍मक असल्‍याची प्रचीती येणे अन् भावजागृती होणे
अधिवेशन संपल्‍याच्‍या दुसर्‍या दिवशी अधिवेशनात सहभागी झालेल्‍या अमेरिकेतील महंत मां राजलक्ष्मी वाराणसी आश्रमात सद़्‍गुरु डॉ. चारुदत्त पिंगळे यांना भेटायला आल्‍या होत्‍या. त्‍यांनी आश्रमातील श्रीरामाच्‍या मूर्तीकडे पाहून विचारले, ‘‘सीताजी कुठे आहेत ?’’ प्रत्‍यक्षात आश्रमात श्रीराम, श्री गणेश आणि श्री हनुमान यांच्‍या मूर्ती आहेत; मात्र सीतेची मूर्ती नाही. त्या वेळी सद़्‍गुरु पिंगळेकाकांनी सांगितले, ‘‘सीताजी श्रीरामाच्‍या हृदयात आहेत. आम्‍ही सर्व जण असाच भाव ठेवतो.’’ सद़्‍गुरु पिंगळेकाकांचे बोलणे ऐकून महंत मां राजलक्ष्मी प्रसन्‍न झाल्‍या. सद़्‍गुरु पिंगळेकाकांचे बोलणे ऐकून माझी भावजागृती झाली. त्‍यांच्‍या बोलण्‍यातून ‘वाणी औषधी असते अन् एखाद्या प्रसंगाला आपली वाणी सकारात्‍मक, तसेच भावस्‍पर्शी कशी बनवू शकते ?’, हे मला शिकायला मिळाले.’
– (सद़्‍गुरु) नीलेश सिंगबाळ, वाराणसी (९.१.२०२३)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार संतांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |
प्रतिकूल परिस्थितीतही कौटुंबिक दायित्व चांगल्या प्रकारे निभावणार्या आणि सच्चिदानंद परब्रह्म डॉ. आठवले यांच्‍या प्रती भाव असलेल्या देवद येथील सनातनच्या आश्रमातील श्रीमती प्रभावती गजानन शिंदे (वय ८८ वर्षे) !
ठाणे येथील शास्त्रीय गायक (कै.) पं. संजय मराठे यांची स्थूल आणि सूक्ष्म स्तरांवरील जाणवलेली गुणवैशिष्ट्ये !
तीव्र आध्यात्मिक त्रास होत असतांना त्यातून बाहेर पडण्यासाठी सच्चिदानंद परब्रह्म डॉ. आठवले यांच्यावरील श्रद्धेच्या बळावर प्रयत्न करणार्या ६३ टक्के आध्यात्मिक पातळीच्या सुश्री (कु.) कल्याणी गांगण ! 
‘सच्चिदानंद परब्रह्म डॉ. जयंत आठवले यांचा ब्रह्मोत्सव आणि अन्य सोहळे’ या ग्रंथाविषयी साधिकेला आलेल्या अनुभूती 
‘प्रत्येक सेवा गुरूंची सेवा असून त्यातून स्वतःचा उद्धार होणार आहे’, असा भाव ठेवून सेवा केल्यावरच खर्या अर्थाने गुरुसेवा होत असणे
‘मनमोकळेपणाने बोलणे’, याविषयी साधिकेला सुचलेले काही आध्यात्मिक दृष्टीकोन !