जगात मानसिक त्रासांचे प्रमाण भारतात सर्वांत अल्प !

न्यूयॉर्क (अमेरिका) – नैराश्यावर मात करण्यासाठी लोक औषधे घेतात. गेल्या काही वर्षांत याचे प्रमाण पुष्कळ प्रमाणात वाढले आहे. असे असले, तरी यासंदर्भात केलेल्या संशोधनामध्ये प्रत्येक १ सहस्त्र भारतियांमध्ये केवळ ९ जणांनाच मानसिक तणावावर औषधोपचार करावा लागतो. ‘द वर्ल्ड ऑफ स्टॅटिस्टिक्स’ने प्रसारित केलेल्या आकडेवारीनुसार भारतात ९, लॅटव्हिया २१, रशिया २३, तर दक्षिण कोरियात प्रत्येक १ सहस्त्र नागरिकांमागे २७ जणांना औषधे घ्यावी लागतात. विकसित देशांपैकी युनायटेड किंगडम १०८, अमेरिका ११०, ऑस्ट्रेलिया १२२ आणि कॅनडा येथे प्रत्येक १ सहस्त्र कॅनडियन नागरिकांमागे तब्बल १३० जणांना नैराश्यावर मात करण्यासाठी औषधे घ्यावी लागतात. या संशोधनाच्या आकडेवारीनुसार जगात भारतात मानसिक त्रासांचे प्रमाण सर्वांत अल्प आहे.