बलुचिस्तानमध्ये आतंकवाद्यांच्या आक्रमणात पाकचे ७ सैनिक ठार 

इस्लामाबाद – पाकिस्तानच्या दक्षिण-पश्चिम बलुचिस्तान प्रांतात आतंकवाद्यांनी निमलष्करी दलाच्या तळावर आक्रमण केले. त्या वेळी पाकिस्तानी सैनिक आणि आतंकवादी यांच्यात झालेल्या चकमकीत ७ पाकिस्तानी सैनिक ठार झाले. पाकिस्तानी सैन्याने दिलेल्या माहितीनुसार या वेळी ६ आतंकवादीही ठार झाले आहेत. हे आक्रमण बंदी घालण्यात आलेली तहरीक-ए-तालिबान पाकिस्तान (टीटीपी) या आतंकवादी संघटनेने केल्याचे सांगितले जात आहे. मागील वर्षी नोव्हेंबर मासात या संघटनेशी शांतता चर्चा आयोजित करण्यात आली होती; मात्र ती अयशस्वी झाल्यामुळे या संघटनेच्या आतंकवाद्यांकडून पाकिस्तान सीमेवर मोठ्या प्रमाणात आतंकवादी कारवाया करण्यात येत आहेत.