हिंदु तरुणीशी विवाह करून तिला जिवे मारण्याची धमकी देणार्‍या महंमदच्या विरोधात गुन्हा नोंद !

बेगूसराय (बिहार) – येथे लव्ह जिहादचे एक प्रकरण समोर आले आहे. एका हिंदु युवतीला प्रेमाच्या जाळ्यात ओढून तिच्याशी विवाह करणार्‍या, तिला दोन वेळा गर्भपात करण्यास भाग पाडणार्‍या आणि तिचे बलपूर्वक इस्लाममध्ये धर्मांतर करणार्‍या महंमद आफताब आलम नावाच्या धर्मांध मुसलमानाच्या विरोधात गुन्हा नोंद करण्यात आला आहे. पीडितेने त्याच्या विरोधात तिला जिवे मारण्याची धमकी दिल्याचेही पोलीस तक्रारीत म्हटले आहे.

बेगूसराय : लव जिहाद का मामला, फेसबुक पर की दोस्ती फिर की शादी, अब गर्भवती होने पर छोड़ा#lovejihaad https://t.co/jhMwlfcpKB

— Zee Bihar Jharkhand (@ZeeBiharNews) October 18, 2022

स्थानिक प्रसारमाध्यमांनी दिलेल्या माहितीनुसार युवती समस्तीपूर येथील रहाणारी असून ती बेगूसराय येथे एका कपड्याच्या दुकानात काम करत होती. फेसबुकवरून तिची महंमदशी मैत्री झाली. महंमदने तिला प्रेमाच्या जाळ्यात ओढून तिच्याशी शारीरिक संबंध प्रस्थापित केले. ती २ वेळा गरोदर राहिली, तेव्हा त्याने तिला बलपूर्वक गर्भपात करण्यास भाग पाडले. पुढे दोघांनी विवाह केला. कालांतराने महंमदने तिच्यावर धर्मांतर करण्याचा दबाव बनवल्याने तिने इस्लामही स्वीकारला. पुढे तिला पुन्हा दिवस राहिल्यावर तिने गर्भपातास विरोध केला. तेव्हा त्याने तिला जिवे मारण्याची धमकी दिली आणि तो फरार झाला. युवतीने तिच्या माहेरी याविषयी सांगून साहाय्य मागितले, परंतु तिने विरोधात जाऊन विवाह केल्याने त्यांनी तिला साहाय्य करण्यास नाकारले. शेवटी बेगूसराय येथील महिला पोलीस ठाण्यात तिची तक्रार प्रविष्ट करून घेण्यात आल्यावर पोलीस अधीक्षकांच्या साहाय्याने गुन्हा नोंद करण्यात आला आहे.