नागपूर येथे श्वानाने रस्त्यावर घाण केल्यास मालकावर कारवाई !

सार्वजनिक ठिकाण अस्वच्छ करणार्‍यांकडून ८४ सहस्र रुपयांचा दंड वसूल !

नागपूर – महानगरपालिकेने नुकतेच सार्वजनिक ठिकाणी लघवी करणे, थुंकणे, तसेच कचरा फेकणार्‍यांवर कारवाई चालू केली आहे. आता पुढच्या टप्प्यात शौचासाठी पाळीव श्वानांना रस्त्यांवर घेऊन येणार्‍या श्वानमालकांवर दंड आकारण्याची सिद्धता महानगरपालिकेने केली आहे. श्वान मालकांकडून पुढील मासांपासून दंड आकारणी केली जाण्याची शक्यता आहे. महापालिकेने ११ ऑक्टोबर या एका दिवसातच सार्वजनिक ठिकाणी अस्वच्छता पसरवणार्‍यांकडून ८४ सहस्र ५०० रुपयांचा दंड वसूल केला आहे.