जलपायगुडी येथे दुर्गादेवीच्या मूर्तींचे विसर्जन चालू असतांना पूर आल्याने १० जणांचा मृत्यू

जलपायगुडी (बंगाल) – येथे श्री दुर्गादेवीच्या मूर्तींच्या विसर्जनासाठी ५ ऑक्टोबरला रात्री ९ च्या सुमारास माल नदीच्या काठावर मोठ्या संख्येने भाविक गोळा झाले होते. येथे विसर्जनासाठी ४० मूर्ती आणण्यात आल्या होत्या. तेव्हा अचानक नदीला पूर आला. यामध्ये अनेक जण वाहून गेले. आतापर्यंत १० जणांचा मृत्यू झाल्याची माहिती समोर आली आहे. अजून काही जण बेपत्ता असल्याने मृतांच्या संख्येत वाढ होण्याची शक्यता आहे.

Saddening news coming from Jalpaiguri as flash flood in Mal river during Durga Puja immersion swept away many people. Few deaths have been reported till now.
I request the DM of Jalpaiguri & @chief_west to urgently step up rescue efforts & provide assistance to those in distress. pic.twitter.com/4dZdm2WlLO

— Suvendu Adhikari • শুভেন্দু অধিকারী (@SuvenduWB) October 5, 2022

या पुराच्या घटनेचे व्हिडिओ सामाजिक माध्यमांत प्रसारित झाले आहेत. येथे साहाय्यकार्य चालू आहे. नदीला अचानक पूर कसा आला, याविषयी अद्याप कोणतीही अधिकृत माहिती समोर आलेली नाही.