देहली – राज्यात मोठे परिवर्तन झाले. जगातील ३३ देशांची याची नोंद घेतली. हा उठाव होता. हा संघर्ष सत्तेसाठी नव्हता. नगरसेवकही सत्ता सोडत नाही. आम्ही सत्तेचा त्याग करून गेलो. आम्ही मिंधे नव्हे, तर बाळासाहेबांचे खंदे लढवय्ये आहोत, असे वक्तव्य मुख्यमंत्री एकनाथ शिंदे यांनी देहली येथे केले. मुंबई उद्धव ठाकरे यांची सभा झाल्यानंतर ते बोलत होते.
ते पुढे म्हणाले की, तुम्ही सत्तेच्या लालचेसाठी हिंदुत्व सोडले. गद्दार कोण ? ही विचार करण्याची वेळ आहे. बाळासाहेबांनी सांगितले होते, ‘‘काँग्रेस, राष्ट्रवादी काँग्रेस यांना जवळ करायची वेळ येईल, तेव्हा मी माझे दुकान बंद करीन.’’ खुर्चीसाठी काँग्रेस, राष्ट्रवादी काँग्रेस यांच्याशी युती करण्यात आली. आम्ही सत्तेवर लाथ मारली; पण भूमिका पालटली नाही. त्यामुळे त्यांनी जो उठाव केला, त्याचे लोकांनी स्वागत केले.
शिंदे पुढे म्हणाले की, अडीच वर्षांत त्यांना गटप्रमुखांची आठवण झाली नाही. आम्ही क्रांती केली म्हणून आज आठवण झाली. ‘मातोश्री’, ‘वर्षा’ येथे त्यांना प्रवेश नव्हता. आम्ही घेणारे नाही, देणारे आहोत. माझ्यापेक्षा अधिक हिशोब कुणाजवळ असणार ?
शिवसैनिकांवर विश्वास नाही म्हणून शपथपत्र घेत आहेत, त्याचा खर्च शिवसैनिक करत आहेत. ‘आम्हाला बाप चोरणारे’ म्हटले गेले; मग आपण ‘बापाचा पक्ष आणि विचार विकणारी टोळी’ आहात का ? आम्ही दोन मासांत ४०० निर्णय घेतले. त्यामुळे लोकांना वाटले ‘अडीच मासात एवढे केले, तर अडीच वर्षांत किती करतील ?’ दाऊदचे हस्तक होण्याऐवजी आम्ही देशाला पुढे नेणार्‍यांचे हस्तक झालो आहोत. बाळासाहेबांचे नाव हिंदुहृदयसम्राट घेण्यासाठी अडचण येते. इतके तुम्ही निधर्मी झालात का ?
हसापूर (गोवा) येथील श्री सातेरी देवस्थानच्या जत्रेमध्ये मुसलमानांना दुकाने लावण्यास देवस्थान समितीकडून बंदी
किटल-फातर्पा (गोवा) येथील श्री आळारे आजोबा देवस्थानात चोरीचा प्रयत्न
रायगड आणि छत्रपती संभाजीनगर जिल्ह्यांसाठी शिवसेना आग्रही !
चुकीच्या समजुतीमुळे धर्माच्या नावाखाली अत्याचार झाले ! – सरसंघचालक प.पू. डॉ. मोहन भागवत
देवेंद्र फडणवीस यांच्याकडे गृह खाते कायम, एकनाथ शिंदे यांच्याकडे नगरविकास, गृहनिर्माण खाते !
हिंदु जनजागृती समितीच्या वतीने ‘हिंदु सेवा महोत्सवा’त स्वसंरक्षण प्रशिक्षण प्रात्यक्षिके सादर !