विधान परिषद
मुंबई, १६ मार्च (वार्ता.) – युतीच्या ५ वर्षांच्या काळात शेतकर्‍यांकडे २८ सहस्र कोटी रुपयांची वीजदेयकाची थकबाकी होती; तरीही ऊर्जा विभागाला ४ सहस्र १५ कोटी रुपयांचा नफा होता. देवेंद्र फडणवीस मुख्यमंत्री झाले, तर ‘५ वर्षे शेतकर्‍यांची वीज तोडणार नाही’, अशी ग्वाही माजी ऊर्जामंत्री आणि भाजपचे आमदार चंद्रशेखर बावनकुळे यांनी विधान परिषदेत दिली. १६ मार्च या दिवशी अर्थसंकल्पावरील चर्चेवर बोलतांना बावनकुळे यांनी वरील वक्तव्य केले.
या वेळी चंद्रशेखर बावनकुळे म्हणाले, ‘‘राज्यावर एकूण ७ लाख कोटी रुपयांचे कर्ज आहे. राज्यातील प्रत्येक व्यक्तीवर ५५ सहस्र रुपयांचे कर्ज आहे. महाविकास आघाडीच्या काळात १ लाख ९८ सहस्र कोटी रुपयांचे कर्ज वाढले. राज्याची कर्ज घेण्याची क्षमता आहे. शेतकर्‍यांचे वीजदेयक माफ करण्यासाठी कर्ज घ्यावे लागल्यास सरकारने कर्ज घ्यावे; मात्र शेतकर्‍यांची वीजजोडणी तोडू नये.’’
पुढील अधिवेशन नागपूर झाले नाही, तर न्यायालयात धाव घेऊ !
वर्ष १९५३ मध्ये झालेल्या नागपूर करारामध्ये वर्षातील एक विधीमंडळाचे अधिवेशन नागपूर येथे घेण्याचा ठराव झाला आहे. या कराराचा भंग झाला आहे. पुढील अधिवेशन नागपूर येथे झाले नाही, तर न्यायालयात धाव घेऊ, अशी चेतावणी चंद्रशेखर बावनकुळे यांनी दिली.
थोडक्यात महत्त्वाचे
२४ आणि २५ डिसेंबर या दिवशी श्री साई पालखी निवारा येथे होत असलेल्या मंदिर परिषदेची सिद्धता अंतिम टप्प्यात !
‘सेरेंडिपिटी कला महोत्सवा’त हिंदूंच्या मंदिरांची छायाचित्रे आणि माहिती प्रदर्शित
सिंधुदुर्ग जिल्ह्यात महाराष्ट्राचे मत्स्य व्यवसाय आणि बंदरे विकासमंत्री नितेश राणे यांचे भव्यदिव्य स्वागत
विकसित महाराष्ट्रातील लोकांना कामासाठी स्थलांतरित व्हावे लागणे गंभीर ! – न्यायमूर्ती नितीन बोरकर, उच्च न्यायालय, मुंबई
हसापूर (गोवा) येथील श्री सातेरी देवस्थानच्या जत्रेमध्ये मुसलमानांना दुकाने लावण्यास देवस्थान समितीकडून बंदी