सर्व आगारांतून धावल्या २१५ बस
सातारा, १५ डिसेंबर (वार्ता.) – एस्.टी. कर्मचारी विलीनीकरणाच्या मागणीवर ठाम आहेत. दीड मासापासून या मागणीसाठी आंदोलन चालू आहे. काही आगारातून बससेवा चालू झाली असली, तरी काही कर्मचार्‍यांवर निलंबनाची कारवाई करण्यात आली होती, तसेच काही कामगारांच्या अनुपस्थितीमुळे नियोजनामध्ये अडचणी येत होत्या. १३ डिसेंबरपर्यंत जे कर्मचारी कामावर उपस्थित रहातील, त्यांचे निलंबन मागे घेण्याची घोषणा परिवहनमंत्री अनिल परब यांनी केली होती. त्याप्रमाणे सातारा विभागातील ११ कर्मचारी कामावर उपस्थित झाल्यामुळे त्यांचे निलंबन मागे घेण्यात आले आहे. त्यामुळे १३ डिसेंबर या दिवशी जिल्ह्यातील विविध मार्गांवर २१५ बस धावल्या. यामध्ये ५६ खासगी शिवशाही, तर १५९ साध्या बसचा समावेश आहे.
सातारा विभागात १३ डिसेंबरपर्यंत १ सहस्र २० कर्मचारी कामावर रुजू झाले आहेत. विभागातील ११ आगारांतून बस सेवा पूर्ववत् होत असून बसस्थानकातील गर्दी हळूहळू वाढू लागली आहे.
नागपूर येथे हवेच्या प्रदूषणात वाढ !
मुंबई-होस्पेट एक्सप्रेसमध्ये बाँबच्या अफवेने दौंड रेल्वेस्थानकात रेल्वे थांबवून दीड घंटा पडताळणी !
मतदारसूचीमध्ये मृत म्हणून नोंद असलेल्या आजींनी मतदानाचा हक्क बजावला !
अहिल्यानगर येथे एस्.टी. बसमधील शेवटच्या आसनाखाली नोटांचे बंडल सापडले !
मुरगांव (जिल्हा गडचिरोली) येथील लाचखोर सरपंचाला अटक !
नाशिक शहरात विजयी उमेदवारांच्या मिरवणुकांवर बंदी !