पोलिसांना मात्र पत्ताच नाही !
|
मुरादाबाद (उत्तरप्रदेश) – फरार असलेल्या एक कुख्यात गुंडाने ग्रामपंचायतीची निवडणूक लढवली, ती जिंकली आणि चक्क गावाचा सरपंचही झाला. तरीही पोलिसांना याचा सुगावा न लागल्याची घटना उत्तरप्रदेशमधील मुरादाबाद येथे घडली.
संजय सिंह असे या कुख्यात गुंडाचे नाव असून पोलिसांनी त्याला ५० लाख रुपये किमतीच्या ३० सहस्र लिटर बनावट दारूसह अटक केली होती. या प्रकरणी त्याला मे मासात जामीन मिळाला होता; मात्र अन्य प्रकरणातील चौकशीसाठी पोलीस त्याचा शोध घेत होते. तेव्हा पोलिसांना तो सापडत नव्हता. फरार असलेल्या सिंह याच्याविरुद्ध पोलिसांनी ‘गँगस्टर’ कायद्यानुसार गुन्हा नोंदवला, तसेत त्याच्यावर २० सहस्र रुपयांचे बक्षीसही घोषित केले.
या कालावधीत मुरादाबादमधील निवाड गावात ग्रामपंचायतीची निवडणूक घोषित झाली. संजय सिंह यानेही निवडणुकीसाठी अर्ज भरला. तो निवडणूक लढला आणि निवडून आला. इतकेच नव्हे, तर यानंतर त्याने गावाचा सरपंच म्हणून शपथही घेतली. एवढा सगळा प्रकार होऊनही पोलिसांना याचा जराही सुगावा लागला नाही.
संजय सिंह यास अटक, संबंधित पोलिसांवर कारवाईचा आदेश !
हा प्रकार समजताच उत्तरप्रदेश पोलिसांच्या विशेष पथकाने संजय सिंहला अटक करत कारागृहात डांबले. या प्रकाराचा सुगावा न लागणारे पोलीस निरीक्षक धर्मेंद्र सिंह, महेशचंद्र शर्मा, महिला पोलीस कर्मचारी सरोज आणि हवालदार मोहित नौटियाल यांच्यावर कारवाई करण्याचा आदेश देण्यात आला आहे. या प्रकरणी पोलीस उपमहानिरीक्षक शलभ माथुर यांनी चौकशी करण्याचे निर्देश दिले आहेत.
वक्फ बोर्ड विसर्जित करण्यासाठी संतांच्या नेतृत्वाखाली इंदूर (मध्यप्रदेश) येथे आंदोलन !
बोगस वारस दाखल्यांचे वाटप करणार्या न्यायालयातील लिपिकाला अटक !
मुख्यमंत्र्यांच्या विरोधात पोस्ट करणार्यांवर गुन्हा नोंद !
बदलापूर येथे दारू पाजून तरुणीवर अत्याचार करणार्या मित्राला अटक !
अयोध्येतील सोहळ्यानंतर उत्तरप्रदेश परिवहन विभागाच्या बसगाड्यांमध्ये पुन्हा एकदा ऐकू येणार ‘रामधून’ !
मुंबईत ८०, तर नागपूर येथे २५ महिला देहव्यापार करतांना आढळल्या !