(म्हणे) ‘भारताची परिस्थिती वाईट असल्याने जगाने साहाय्य करावे !’

नवी देहली – भारत सध्या कोरोना महामारीच्या दुसर्‍या लाटेतून जात आहे. यामुळे देशात ऑक्सिजन, बेड्स, व्हेंटिलेटर आदींची कमतरता भासत आहे. त्यामुळे जगाने पुढाकार घेत कोरोनाच्या लढाईत संघर्ष करणार्‍या भारताला साहाय्य केले पाहिजे, असे फुकाचे आवाहन स्विडन येथील कथित पर्यावरण कार्यकर्ती ग्रेटा थनबर्ग हिने ट्वीट करून केले आहे. काही मासांपूर्वी १८ वर्षीय ग्रेटाने ट्वीट करून भारतातील राष्ट्रविघातक शक्तींकडून केल्या जाणार्‍या शेतकरी आंदोलनाला पाठिंबा दिला होता. तसे करतांना तिने एक ‘टूलकिट’ (आंदोलन करतांनाचे टप्पे) शेअर केले होते. यावरून जगभरातील भारतद्वेषी शक्ती या कथित शेतकरी आंदोलनाला पाठिंबा देत असल्याचे लक्षात आले होते. त्यामुळे तिच्यावर टीका झाली होती.