कसे होऊ उतराई आम्ही श्रीरामकृष्णस्वरूप श्री गुरूंचे ।

आज भावपर्व (टीप १) सोनियाचे,

अनुभवले भावविश्‍व सर्व युगांचे ।

कसे होऊ उतराई आम्ही श्रीरामकृष्णस्वरूप श्री गुरूंचे ॥ १ ॥

प्रत्येक युगाची भावभेट देती आम्हा श्रीसत्शक्ति बिंदाई (टीप २) ।

श्रीराम – हनुमंत भेटीच्या भावभक्तीचा

मिलाप घडवला आम्हासी ॥ २ ॥

द्वापरयुगी श्रीकृष्ण-अर्जुन आणि त्रेतायुगी श्रीराम अन् हनुमंत ।

तसेच कलियुगी असती श्रीरामकृष्णरूप

श्री गुरु आणि सद्गुरु अन् संत ॥ ३ ॥

भावसत्संगातूनी भावविश्‍व अनुभवण्या आम्हा दिले ।

एक क्षण कलियुगी जणू ब्रह्मांडच स्थिरावले ॥ ४ ॥

नसे भान आम्हा जिवांना कुठे आहोत आम्ही ।

माता बिंदाईने उलगडले रहस्य,

‘श्री गुरु श्रीरामकृष्णच आहात तुम्ही’ ॥ ५ ॥

कलियुग असूनही त्रेता अन् द्वापर युग अनुभवले ।

क्षणभर कधी मी मर्कट, तर कधी पर्वतासम भासले ॥ ६ ॥

मेळा तो भक्त-भगवंत भेटीचा, गुरुकृपेचा अन् भावभक्तीचा ।

जयजयकार करतो आम्ही भक्तवत्सल

भगवंत अन् श्री हनुमंत प्रभूंचा ॥ ७ ॥

ज्या श्रीसत्शक्ति (सौ.) बिंदामाईंनी आज या युगांचे दर्शन घडवले । साष्टांग दंडवत त्यांना भावविभोर आम्हा केले ॥ ८ ॥

टीप १ : प्रत्येक गुरुवारी होणारा भावसत्संग

टीप २ : श्रीसत्शक्ति (सौ.) बिंदा सिंगबाळ

– सौ. सुनीता पंचाक्षरी, अंबाजोगाई (९.४.२०२०)