Aland Dargah Conflict : आळंद लाडले मशाक दर्गा दंगलीतील सर्व मुसलमान आरोपींवरील गुन्हे कर्नाटकच्या काँग्रेस सरकारने घेतले मागे

कलबुर्गी (कर्नाटक) – कलबुर्गी जिल्ह्यातील आळंद शहरातील प्रसिद्ध लाडले मशाक दर्गा दंगलीशी संबंधित गुन्हेगारी प्रकरणे मागे घेण्याचा निर्णय सरकारने घेतला आहे.

विधानसभेचे अध्यक्ष यू.टी. खादर यांच्या लेखी विनंतीवरून हा निर्णय घेण्यात आला असून यामुळे दंगलीत सहभागी असलेल्या मुसलमान तरुणांना आणि काही प्रमुख नेत्यांना याचा लाभ होणार आहे.

🚨 BJP Opposes Withdrawal of Cases in Aland Dargah Riots

“On one hand, Hindu activists are being targeted with false cases and police harassment.

On the other, criminal cases against Muslims involved in arson and property damage are being withdrawn,” alleged BJP MLA @CTRavi_BJP… pic.twitter.com/I0IlI2sjCe

— Sanatan Prabhat (@SanatanPrabhat) May 22, 2026

गृहमंत्री डॉ. जी. परमेश्वर यांच्याकडून निर्णयाचे समर्थन

गुन्हे मागे घेण्याच्या संदर्भात गृहमंत्री डॉ. जी. परमेश्वर यांना विचारणा करण्यात आली असता ते म्हणाले की, मी विस्तृत माहिती सांगणार नाही. मंत्रीमंडळामध्ये सर्व गोष्टींवर चर्चा करून कायदेशीर चौकटीत राहूनच सुटकेचा निर्णय घेण्यात आला आहे. कोणताही निर्णय अचानक घेतलेला नाही.

भाजपचा विरोध

राज्य सरकार एका बाजूला हिंदु कार्यकर्त्यांना लक्ष्य करून त्यांच्याविरुद्ध खोटे गुन्हे नोंदवण्यासमवेतच पोलिसांकडून त्यांना त्रास देण्याचे काम केले जात आहे. दुसर्‍या बाजूला मुसलमानांवरील गुन्हेगारी गुन्हे मागे घेतले जात आहेत. काही जाळपोळीची प्रकरणे, मालमत्तेची हानी केल्याची प्रकरणे आदी प्रकरणांसह गंभीर गुन्हे मागे घेऊन ‘आम्ही गुन्हेगारांच्या बाजूने आहोत’, असा वाईट संदेश सरकार दिला आहे, असा आरोप भाजपचे आमदार सी.टी. रवि यांनी यांनी केला आहे.