मुंबईतील पूर्व समुद्रकिनार्‍याचा पर्यटन केंद्र म्हणून विकास !

मुंबई – पूर्व समुद्रकिनारा आता सर्वसामान्यांसाठी एक नवीन पर्यटन आणि मनोरंजन केंद्र म्हणून विकसित होत आहे. या पावसाळ्यात ऐतिहासिक बलार्ड इस्टेट येथील आंतरराष्ट्रीय क्रूझ टर्मिनल जनतेसाठी खुले करण्यात आले आहेत. जिथे एके काळी फक्त जहाजे ये-जा करत असत, तिथे आता मुंबईकरांना समुद्रकिनार्‍यावरील फेरफटका, खरेदी आणि मनोरंजन यांचा आनंद घेता येईल.

लवकरच येथे एक उद्यान विकसित केले जाईल. पावसाळ्यात क्रूझ जहाजे सेवेत नसल्यामुळे टर्मिनलचे २ मजले जनतेसाठी उपलब्ध करून देण्यात आले आहेत. येथे येणारे पर्यटक खरेदी, स्वादिष्ट खाद्यपदार्थ, पिकलबॉल, गो-कार्टिंग आणि मुलांसाठी असलेल्या विशेष खेळाचा आनंद घेऊ शकतात. समुद्रात नांगरलेल्या जहाजांचे दृश्य हे ही येथील एक प्रमुख आकर्षण आहे.