‘मनुष्या-मनुष्यात जर काही भेद असेल, तर तो श्रद्धेमुळेच होय. अन्य कशामुळे नाही. ‘एक जण थोर, तर दुसरा सामान्य आणि दुर्बल’, असे कशामुळे होत असेल, तर ते श्रद्धेमुळेच.’

‘मुलांनो, लक्षात ठेवा की, भित्रे आणि दुर्बलच पापाचरण करतात अन् खोटे बोलतात. साहसी आणि दृढचित्त असलेल्या व्यक्ती सर्वदा नीतीपरायण असतात. नीतीमान, साहसी आणि सहानुभूतीसंपन्न होण्याचा प्रयत्न करा.’

‘एखाद्या विषयावर मन एकाग्र केल्यानंतर तेथून ते इच्छेनुसार न काढता येणे’, हे धोक्याचे असते. अशी अवस्था मोठी तापदायक असते. आपल्या बहुतेक सर्व दुःखांचे कारण हेच की, एखाद्या विषयावरून इच्छेनुसार मन काढून घेण्याची शक्ती आपल्या ठिकाणी नसते.’

‘नियमित श्वासोच्छ्वासामुळे शरीर समतोल अवस्थेत रहाते आणि मग मनापर्यंत पोचणे सोपे जाते. यासाठी साधा प्राणायाम पुरेसा आहे…

आपण जितके शांत असू आणि आपले स्नायू जितके अल्प उत्तेजित होतील, तितके आपण अधिक प्रेम करू शकू आणि तितके आपले कर्म अधिक चांगल्या प्रकारे होईल. तुम्ही एखाद्या धन्याप्रमाणे स्वाधीन भावाने कर्म केले पाहिजे….