FIR Against Kunal Kamra : विनोदी कलाकार कुणाल कामरा याच्याविरुद्ध हिंदूंच्या भावना दुखावल्याच्या प्रकरणी तक्रार !

पुणे – प्रसिद्ध ‘स्टँड अप कॉमेडियन’ (एकल विनोदी कलाकार) कुणाल कामरा यांनी पुन्हा एकदा हिंदूंच्या भावना दुखावणारे वक्तव्य केले. त्याने देहलीतील जंतर-मंतर येथील १५ जुलै या दिवशी ‘कॉक्रोच जनता पार्टी’च्या आंदोलनाला भेट दिली. त्या वेळी भाषण करतांना कामरा याने हिंदूंचे आराध्यदैवत प्रभु श्रीराम आणि सीतामाता यांच्या नावाचा अत्यंत अवमानास्पद आणि चिथावणीखोर राजकीय संदर्भ देत वापर केला. त्याची चित्रफीत ‘इंडिया स्क्रॉल्स’ या सामाजिक माध्यमावर प्रसारित केली आहे. या प्रकरणी पुण्यातील अधिवक्ता प्रदीप नाईक यांनी पिंपरी-चिंचवड पोलीस आयुक्तालयाच्या अंतर्गत सायबर पोलीस ठाण्यात तक्रार प्रविष्ट केली आहे.

🚨 Complaint Filed Against Comedian Kunal Kamra for Hurting Hindu Religious Sentiments

Insult to Prabhu Shri Ram and Mata Sita

• Pune Advocate Pradeep Naik has sought police action, digital forensic verification of the video, and seizure of the original recording.

• Supreme… pic.twitter.com/lvPfxx0vxg

— Sanatan Prabhat (@SanatanPrabhat) July 17, 2026

या तक्रारीत म्हटले आहे की,

१. या विधानामुळे समस्त हिंदु समाजाच्या धार्मिक भावना दुखावल्या गेल्या असून समाजात तेढ निर्माण होण्याची शक्यता निर्माण झाली आहे.

२. कुणाल कामरा याला मुख्य आरोपी करण्यात आले असून घटनास्थळी उपस्थित असलेले ‘कॉक्रोच जनता पार्टी’चे संस्थापक अभिजित दीपके यांच्या भूमिकेची स्वतंत्र चौकशी करण्यात यावी.

३. या चित्रफितीची ‘डिजिटल फॉरेन्सिक पडताळणी’ करण्यात येऊन मूळ प्रत जप्त करावी.