‘धनप्राप्ती, विवाह, आजारपण इत्यादी अनेक कारणांसाठी अनेक जण तोडगे विचारतात; पण ईश्‍वरप्राप्तीसाठी तोडगा विचारण्याचा कोणी विचारही करत नाही !’ – सच्चिदानंद परब्रह्म डॉ. आठवले

‘भूतलावर सर्व प्राणी दुसर्‍यांसाठी जगतात. प्राणी, वनस्पती हे इतरांना काही ना काही देत असतात. मनुष्य हा एकमेव प्राणी आहे की, जो केवळ स्वतःसाठी जगत असतो. तो निसर्ग, प्राणी आणि वनस्पती यांच्याकडून सतत घेतच असतो. मनुष्याच्या या स्वार्थामुळेच तो इतर प्राण्यांच्या तुलनेत जास्त दुःखी असतो.’ – सच्चिदानंद परब्रह्म डॉ. आठवले

‘आजकाल आपण ज्याला ‘विज्ञान’, म्हणजे ‘विशेष ज्ञान’ म्हणतो, ते ‘विगतं ज्ञानं यस्मात्।’, म्हणजेच ‘ज्यातून ज्ञान निघून गेले आहे ते, झाले आहे.’ विज्ञानाला ‘ईश्‍वर आहे. ईश्‍वर निर्गुण निराकार आहे आणि त्याची व्याप्ती अनंत कोटी ब्रह्मांडांइतकी आहेʼ, हेही ज्ञात नाही.’ – सच्चिदानंद परब्रह्म डॉ. आठवले